UBD perkenal program Minor dalom Basa'

Dr Noor Azam nginju' kata' alu-aluan.

Tetamu' kehormat ni'an pameran.

BANDAR SERI BEGAWAN, 28 Mac - Dalom usaha'ni mendalami' basa' ngan budaya' antarabangsa', kita' endo mala' kebilukan basa' ngan budaya' masarakat Nabai sendiri.

.

Jadi sebagai jalo' inisiatif kan memartabatkan budaya' samo keunikan khazanah basa' masarakat Nabai, Pusat Basa', Universiti Brunei Darussalam (UBD) tiru' nawarkan program Minor in Language atau Minor dalom Basa' gala' penuntut mala' ngala' status Minor dalom basa' Borneo temuwok basa' Tutong, Belait, Dusun, Lun Bawang samo basa' Daya' yo ketabi'ni basa' Warisan Borneo yo penting.

Perkara' itu nunyi Pengarah Pusat Basa', UBD, Dr Noor Azam bin Orang Kaya Maha Bijaya Haji Othman dalom kata' alu-aluanni ge majlis pelancaran Minggu Basa' ngan Budaya' Jipun ge Dewan Canselor Universiti Brunei Darussalam, yo keno sempurna'kan gama' tetamu' kehormat, Menteri' Pendidikan, Yang Berhormat Pehin Orang Kaya Seri Kerna Dato Seri Setia Haji Abu Bakar bin Haji Apong.

Beliau menerangkan pengenalan program Minor basa' ina' merupa'kan sebahagian kod strategi pendidikan menyeluruh UBD yo membenarkan pelajar yo memenuhi' sarat atau modul yo tiru' keno tetapkan kala' status Minor dalom basa' Borneo, basa' Jipun, basa' Arab, basa' Perancis, basa' Korea' ngan Mandarin.

Dr Noor Azam munyi pengajaran basa'-basa' ina' gama' Pusat Basa' dengan arapan kan mempromosikan kemahiran penting ge kalangan pelajar samo graduan gala' ido mala' jadi rakyat global yo aktif yo mala' bebasa' kudo jenis basa' yo lain-lain.

Beliau nemban walaupun program ina' taman keno perkenalkan Januari 2012 tapi usaha' samo penyelidikan awal utuk program ina' keno umu' kod ta'un 2008 dengan memperkenalkan basa' Dusun, Daya' ngan Tutong.

Dalom temubual ngan Media Permata, Dr Noor Azam menjelaskan dengan lanjut atin bahawa pengenalan program Minor dalom basa' na' adolah inisiatif Pusat Basa' kan pejiya' profail UBD samo njadikan UBD pusat pengajian Borneo, selaras dengan Visi 2015 UBD - iyo umu' UBD jadi antara' 50 universiti tejiya' ge Asia'.

"Kita' arus paham basa'-basa' Borneo itu secara' tradisi'ni adolah basa' yo nisu' bebasa' gala', kekah yo tenulis. Jadi yo mu'on jami' adolah mengkaji' cara' nulis ge iyo, struktur basa'ni yo mesti keno terangkan, samo ngumu' bahan-bahan ngajar untuk ketabi' basa'-basa' ina'.

Dr Noor Azam munyi melalui' usaha' ina', ido bearap kan nyediokan sebuah sistem penulisan bagi' basa'-basa' Borneo ina'.

Mengulas mengenai' tenaga' pengajar dalom kursus Basa' Borneo, Dr Noor Azam munyi ido adolah guru-guru yo ado latihan asas dalom pengajara basa', samo ido mesti' od mala' bebasa' dalom basa' najar ido na' dengan fasih gala' ido mala' nenan keaslian basa'- basa' borneo ina'.

Mengenai penerima'an pelajar terhadap basa'-basa' Borneo, Dr Azam Noor munyi sambutan penuntut na' "sungguh menggalakkan". Basa' Tutong ngan Dusun tiru' keno jalankan duwo ta'un tiru', samo ado duwo kumpulan tiru' nenga' belajar dalom basa'-basa' Borneo na' belajar bahasa berkenaan.

Napon kod Media Permata. Jumaat, 30 Mac 2012.

http://www.mediapermata.com.bn/khamis/mar29t9.htm

Mentiga' Golden Churn Halal

Mentiga' Golden Churn keno sahkan halal.


Kementerian Hal Ehwal Ugama' kenalom ngumumkan perkara' itu dalom kenyataan akhbar, terus ngesahkan prodak kesukaan ramai na' selamat kanian gama' masyarakat Islam ge Nabai.

"Kementerian Hal Ehwal Ugama Nabai mengumumkan kepada' urang ramai, terutama' sekali' masyarakat Islam ge negeri' itu, bahawa' Majlis Ugama Islam Nabai bemesyuarat alu Khamis, 11 Ogos untuk mbincangkan status Golden Churn Pure Creamery Butter," munyi kenyataan ina'.


"Pali' nilai lapuran kod Jabatan Perkhidmatan Saintifik, Kementerian Kesihatan, yo mengkaji' 17 sampel nala' kod keempat-empat daerah, temuwok dai sampel kod negara' jiran, keputusan kajian ge ketabi' sampel ina' mbukti'kan Golden Churn Pure Creamery Butter ina' endo ado ngan DNA bakas," temban ni atin.

Bedasarkan kajian itu, Majlis Ugama' Islam Nabai mutuskan ketabi prodak Golden Churn Butter ge Nabai adolah bebas kod DNA bakas samo mala' kanon gama' masyarakat Islam.

Pengumuman itu numu' pali' kenyataan kod kementerian ina' alu Sabtu' lepas, yo ngenasihatkan urang Islam dong ngisu' Golden Churn Butter sabi' ado maklumat lanjut pali' ado kekeliruan dalom lapuran pasal statusni.

Kajian nu'on Jabatan Perkhidmatan Saintifik samo lapuran bertarikh 25 Julai munyi endo ado DNA bakas dalom prodak ina'.

Tapi media Malaysia' ngumu' lapuran becanggah, ado yo munyi prodak ina' halal, tapi ado od munyi iyo ngan DNA bakas.

Pengumuman Kementerian Hal Ehwal Ugama' Nabai na' kenalom ngesahkan iyo halal ge Nabai.




Napon kod Borneo Bulletin Online, 12 Ogos 2011.
http://www.borneobulletin.com.bn/fri/aug12h1.htm

Anak Bulan Endo Kegitan: Nabai Puasa' Alu Selasa

Nabai kan mulai' bepuasa' alu Selasa' berikutan endo kegitan anak bulan Ramadan kenalom seripot, makani puasa' kan mulai' alu Selasa' (jain).

Menurut pengumuman khas ge radio samo television.

Penyerahan Lamin ge Serio

Kebawah Duli' nyaksikan upacara' pengislaman - Azrol Azmi Baginda' begalap setegol ngan Menteri' Pembangunan ge laminAwg Peethambaram Perumal ge Kg Panaga. Miski'pun lawu' alu ina' kenalom, Kebawah Duli' Yang Maha Mulia Paduka Seri Baginda Sultan dan Yang Di-Pertuan Nabai umu' od kakal begambar ngan rakyat, besikin ngan ido, samo berkenan nerimo jemputan li lamin ido ge Kg Panaga. Dalom lawatan baginda' na' sampatni keno perumon nasihat untuk rakyat sempena' bulan Ramadan itu, nini baginda' urang ramai sepatutni "bekerjo keras", yo bemaksud ido sepatutni bekerjo ngan produktiviti samo walaupun bepuasa'. 812 penerimo kenalom nerimo kunci lamin baru ido. Staying true to his words, 812 recipients rejoiced after yesterday's key presentation. Walaupun ido manja' baginda' sepatutni ngelawat limo buah lamin gala' ge Kg Panaga na' tapi ramai penerimo yo sejani' na' kakal od ngambat Kebawah Duli temuwod li lamin ido yempon keluarga' ido. Ado kini lamin na' endoda' penu' baranganni, tapi menurut setulu penerimo, "cukup" dai tiru' baginda' muwok ge lamin ido. Baginda' ngayi ado 30 buah lamin kenalom, ketabi' sejani' gala'. Acara' yo sepatutni mabi' pukul 1pm kenalom na' jadi telebi 2 jam atin pasal lawatan li lamin urang na'. Napon kod Sunday Online. Ahad, 31 Julai 2011. http://www.borneobulletin.com.bn/sunday/news/jul31h1.htm

Layi Napos ge Liyu Tutong

Setulu guru pincin kod Kg Keri'om, Tutong kenalom nabu napos ge Liyu Tutong pali' metuka'ni Mitsubishi Pajero enjatu' ge dalom liyu na' masa ni pejurit aludni ge Waterfront Tutong.

Awg Anuar bin Haji Md Jaya, 59, keno sahkan nabu ge Sepitar Duli Pengiran Muda Mahkota Hospital, Tutong.

Menurut lapuran Pemerintah Stesen Tutong, Tuan Muhammad Ali, kejadian ina' terjadi pukul 10.06am

Iyo mbada' Sunday Bulletin, kejadian ina' taman dai sayi' na'. Tiru' ido keno maklumkan mangsa' kakal dalom metuka' masa ni tenggelom, iyo dai ido ngumu' keputusan ngisu' telu sauh gala' kenya'it ge metuka'na'.

“Tapi masa jami ma'at sauh na', baju' mangsa' kenya'it. Endo jami' manja' macamana' mangsa' na' mupus tapi kemungkinana sauh na' tekeno tebukan metuka' na' terus mangsa' telepas."

Mangsa' yo keno perupus kod liyu 20 meter kod biber liyu ninju' CPR dalom bot penyelamat. Metuka' ina' mala' perupus ido dalom 30' minit kenudi.

Menurut maklumat kod urang ramai, mangsa' na' kan encurit madas ge liyu masa metuka'ni na' telunsur muwok dalom liyu na'.

Napon kod Meow. Ahad, 24 Julai 2011.

http://hamidahismail.wordpress.com/page/3/

Meriah ge Tutong

Kebawah Duli' senambut anak-anak Sekulah Keri'om Baginda' mutung kek ge pameran Tiong Hua Baginda' ngan ahli koir kod SM Saidina Othman Baginda' nerimo kad alujadi numu' duwo bekenayi turis, Siti Nuur Khartini ngan Siti Nurul Izzati. .

Napon kod Borneo Bulletin Online. Jumaat, 22 Julai 2011.

http://www.borneobulletin.com.bn/fri/jul22h1.htm

Anyu' Nabai Endo Kurang: BSM

Bandar Seri Begawan.

Brunei Shell Marketing (BSM) kenalom menafikan khabar angin yo keno sebar ngisu' SMS yo munyi anyu' ge Nabai mikin kurang.

Stesen anyu' ge seluruh negeri' keno tetong gama' urang ramai pasal kabar angin itu.

SMS ina' munyi attendant anyu' ketabi' muguk samo ketabi' stesen tenutup kebuai telu alu.

SMS ina' endo tinda munyi kudo muguk na' kan nu'on tapi ado munyi ge Kuala Belait.


Penasihat Hal Ehwal Luar BSM munyi, "BSM kan nenangkan urang ramai endado kekurangan anyu' ge Nabai. Khabar angin yo keno sebar ge SMS na' endo benor."

Berito endo benor ina' iyo od nina' ge rangkaian sosial Facebook ngan Twitter.


Napon kod BB Online. Khamis, 21 Julai 2011.

http://www.borneobulletin.com.bn/thu/jul21h1.htm

Mayat Turis Sempon ge Mumong

Police at the scene. - Liza Mohd

Mayat setulu turis ngisu' baju' rona' ijau samo tudung coklat keno sempon leloq ge biber liyu jani' Pusat Rawatan Empa' Mumong alu minggu' seripot.

Mayat na' yo keno sempon gama' setulu layi yo madas terus nusung untuk post-mortem.

Menurut lapuran autopsi, turis na tekeno libong epilepsi samo nati lebi kod 24 jam tiru'.

"Endado lapuran urang tayi, samo nado od urang nagih mayat ina'," nini pulis ge Bulletin.

Endado kes mencurigakan od keno sangka', tapi keno percayai' iyo napos ge Liyu Belait.

Mangsa' berkemungkinan beumur dalom 40-an li 50-an, berat 44.5kg, kiro-kiro 5" 1' jagau. Kulitni mitom, ngan empuk lurus dibi'. Iyo ado sumbeng ge biber setepi' kiri.

Kerakyatanni pun endo jelas da'.

Napon kod Borneo Bulletin Online. Selasa', 14 Jun 2011.

http://www.borneobulletin.com.bn/tue/jun14h4.htm

Tutongkita' partnership ngan Ceritakitani.com

Terimo Kasih ge Ceritakitani.com atas sukungan/ sponsorhip untuk Tutong Kita'. Please visit www.ceritakitani.com