Anak Muammar, Saif Gaddafi mesti kala' bicara' adil- William Hague

Pihak pemberuntak endo umu' nyerahkann anak Gaddafi ge Mahkamah Jenayah Antarabangsa'
Ido munyi iyo mesti' keno bicara' ge Libya' pasal jenayahni terhadap rakyatni sendiri
Tapi kuasa' Barat ba'ut iyo mala mati tenimbak.

Anak Muammar Gaddafi, Saif-al Islam mesti keno bicara' menurut undang-undang antarabangsa' walaupun iyo terjadi ge Libya, ke'kah ge Mahkamah Jenayah Antarabangsa', nini William Hague.

Menteri Luar Britain na' ngumu' kenyataan ina' buat-buat Ketua' Pendakwaraya' ICC Luis Moreno Ocampo kan sabi' ge Tripoli kan berundeng pasal nuwi kan mu'on ngan pewaris Muammar yo keno gamot ujung minggu' lepas itu.

Menteri' Penerangan munyi perbicaraanni kan mu'on ido ge Libya' od, ke'kah ge The Hague, pali' berito iyo keno gamot na' keno sambut meriah gama urang ramai ge Libya'.

Tapi keba'ut od kalau ketua' kumpulan yo nggamot iyo na' endo umu' nyerahkan iyo ge pihak berkuasa' ge Tripoli, yo jadi keba'ut atin kalau ni mala' perbicaraan yo adil.

.