Demi Moore, Ashton Kutcher Becarai

Fri, Nov 18 2011

LOS ANGELES | Fri Nov 18, 2011 7:55pm IST

(Reuters) - Bintang pilim ngan TV terkenal Demi Moore samo Ashton Kutcher munyi ido ngumu' keputusan kan becarai pali' enum ta'un kawin.

Perkahwinan Moore, 49, ngan Kutcher, 33, ngan masalah kod ujung September pali' setulu turis kod San Diego munyi iyo ado hubungan sulit ngan Kutcher masa ido bepesta' ge bandar ina'.

"Dengan dukacita' samo ati' yo berat jayi' ngumu' keputusan kan namatkan kawinku enum ta'un samo Ashton. Sebagai turis, yama' samo awo, ado nilai-nilai samo janji yo penting ge jayi', jadi dengan itu jayi' ngumu' keputusan kan neruskan idupku'," nini Demi Moore dalom kenyataanni.

Moore kulu ngumu' kenyataan, baru dai Ashton Kutcher ge Twitter, antar ido beduwo terkenal. Ashton ado lebi 8 juta' pengikut, Demi lebi 4 juta'.

"Kan kanangku' seumur idup masaku' ngan Demi. Kawin tu antara' yo paleng payah sekali' ge dunia'. Sayangni kadang-kadang endo menjadi. Cinta' ngan Cahaya, AK," tweet Kutcher.

Moore sayi' tiru' kawin duwo kali sebelum itu, mulo-mulo sekali ngan penyanyi Freddy Moore, samo kali keduwo ngan pelakun Bruce Willies, yo denganni ngan anak telu. Ido becarai ta'un 2000.

Cerita' Ashton ngan Demi ngumu' hubungan jadi bahan tabloid pasal jarak umur ido 16 ta'un. Tapi dalom masa ido bekawin na ulahni macam bahagia' gala' ido na'.

Tapi' Hollywood mala' od kejam ge pasangan selebriti samo cerita' endo tantu' pasal Kutcher begila' ado mupus awal ta'un itu. Dalom bulan September, Sara Leal, model beumur 22 ta'un, munyi ge media iyo begila' ngan Kutcher duwo kali dalom pesta' ujungminggu'.

Dalom sebulan lepas itu Moore ngan Kutcher senajo endo mupus ge khalayak ramai samo endo ngumu' nuwi-nuwi komen pasal hubungan ido. Ado ido ngumu' kenyataan yo macam penu' makna' ge Twitter, macam nuwi nu'on Moore 23 September lepas yo nyabut ahli falsafah Epictetus: "Kalau kita' marah ge sala' urang, ti'an ge diri sendiri samo ti'an kekurangan diri. Baru dai ju' kebilukan marahju na'."

Tapi ulah-ulahni Demi na' endo od mala' kebilu.

Napon kod Reuters.com. Ahad, 20 November 2011.

http://in.reuters.com/article/2011/11/18/us-demimoore-ashtonkutcher-idINTRE7AG2HG20111118