Pali' Presiden Pilipin Gloria Arroyo Keno Gamot

Gloria Arroyo keno tenan kod mupus Pilipin minggu' itu



Pali' Presiden Pilipin Gloria Arroyo keno gamot atas tuduhan penipuan undi pilihanraya'.


Mrs Arroyo keno gamot ge katil sepitarni ge Manila, keno teka' nipu untuk menang kerusi' ge Senata untuk sala'setulu penyukungni masa pilihanraya' 2007.

Mrs Arroyo andang cuba' ngelawan perintah yo endo mbenarkan iyo mupus kod Pilipin untuk rawatan kesihatan.


Iyo endo ngakun besala' samo loyarni munyi tuduhan na' ketabi' keno umu'umu' gala'.

Ferdinand Topacio munyi pihak kerajaan ngumu' tuduhan "mamit-mamit" dalom nuwi nambatni "unsur-unsur penindasan".

Sebuah mahkamah Pilipin perupus warrant gamot pali' Suruhanjaya' Pilihanraya' memfail tuduhan terhadap Arroyo.

Dalom kudo bulan kebelakangan itu, ado spekulasi kemungkinan Mrs Arroyo kan keno teka' atas tuduhan nipu undi, atau ngisu' sin.

Pihak Kerajaan pun ngina' iyo dalom senarai dalom perhatian samo iyo mesti mium kebenaran kan mupus negeri'.

Arroyo ngelawan ge mahkamah munyi larangan mupus negeri' na' meyalahi' hak perlembagaanni yo munyi iyo endo besala' sabi' keno bukti'kan besala'.

Duwo kali tiru dalom minggu' itu Mahkamah Agung, yo penu' ngan pegawai-pegawai nelantekni, ngumu' keputusan nyukung iyo.

Napon kod BBC News. Jumaat, 18 November 2011.
http://www.bbc.co.uk/news/world-asia-15786733