Myanmar Halau Michelle Yeoh

Pelakun kod Malaysia na' nyempon penerimo Nobel Peace Prize Aung San Suu Kyii ge laminni ge Yangon bulan Disember lepas pali' penggambaran pilim ngan pengarah Perancis Luc Besson ge Thailand. -- PHOTO: AP

YANGON - Bintang Hollywood Michelle Yeoh, yo belakun jadi ketua pro-demokrasi Aung San Suu Kyi dalom sebuah pilim baru, endo keno puru' muwok Myanmar samo keno senarai-itom.

'Iyo endado peluang kan muwok Myanmar atin. Iyo keno puru' mupus terus mayi penerbangan dami'ni sabi' ge Yangon International Airport,' setulu pegawai Myanmar mbada' AFP, tapi endo nginju' ngadanni.

Pilim ina' kan mupus aher ta'un itu. Suu Kyi nelepas bulan November ta'un lepas pali' tuju' ta'un tenenan ge lamin, kurang seminggu' pali' pilihanraya' yo keno unyi pura-pura gala' gala' pemerintah tentera'ni mala' kakal bekuasa'.


Suu Kyi, yo nyambut alujadi ke-66 ni bulan itu, kala' pengiktirafan antarabangsa' pasal tantanganni secara' damai ngelawan tekanan.


Dalom ta'un 1990 partini, Liga Demokrasi Kebangsaan, menang pilihanraya' tapi endo keno akun gama' pemerintah tentera. Ta'un lepas iyo mboikot pilihanraya'ni pasal nini peraturanni endo adil. -- AFP


Napon kod Straits Times. 28 Jun 2011.
http://www.straitstimes.com/BreakingNews/SEAsia/Story/STIStory_684839.html

Aung San Suu Kyi kan Nginju' Kuliah Reith Lectures BBC

Aung San Suu Kyi kan nginju' duwo ceramah Reith Lectures 2011 ngan pali' Pengarah Raya' MI5, Baroness Manningham-Buller, yo kan nginju' telu ceramah.

Aung San Suu Kyi, ketua pro-demokrasi Burma, kan nginju' ceramahni pasal tema' ngelawan kuasa' samo kebebasan kan seniar dalom BBC Radion 28 Jun itu.

Kuliah ina' sebahagian kod siri ceramah betajuk "Mempertahankan Kebebasan" membicara'kan kejadian gloabl dalom masa seta'un lepas itu.


Aung San Suu Kyi munyi: "Masa ji' keno tenan ge lamin, BBC gala' yo bebasa' ge jayi' - jayi' nyaid gala'."

"Jayi terhutang budi' atas peluang kan ngisu' hak kemanusiaanku untuk berhubung ngan manusia' lain dengan bebasa' pasal nuwi pikiranku' pasal erti' kebebasan ge jayi', samo ge urang lain ge seluruh dunia' yo kakal dalom keadaan "endo bebas"."


Napon kod BBC News Online. 11 Jun 2011.
http://www.bbc.co.uk/news/uk-13627326