Beribu-ribu rakyat Pulau Tonga yo ngisu' pakaian serba' itom tenangis ge kireng alun-alun buat perarakan keranda' diraja' King George tup V tenuwas li makam diraja' alu itu.
Upacara' ngubur mula'i' ge ibunegeri', Nukuk'alofa, gala' urang ramai mala' nginju' penghormatan ido teraher ge raja' yo keno sayang gama' urang ramai sebagai raja' bejiwa' rakyat.
Iyo rimo seruma' kapal ruma' ge dalom kulam renang istana' samo iyo sayi' ngadokan seruma' misteri pembunuhan mayi' cara' Agatha Christie untuk kawan-kawanni.
Perarakan: Urang nuwas keranda' ngisu' serba' itom ketabi' ngan ikam tradisional ta'ovala kelileng betulu.
Keranda' King George Tupou V tenuwas ngisu' usungan itom raya'
Raja Tonga na' keno kenali' pasal keganjilanni. Iyo lakau-lakau kelileng pulauni na' ngisu' sebuah metuka' London Taxi sambil ngisu' tupi' helmet yo biasa' nisu' kuasa' British muloni.
King Tupou nabu ge Hong Kong minggu' lepas pasal penyakit yo rahsia', walaupun ketuwi' tiru' iyo ado sayi' beputung buwa' pinggang ta'un lepas.
Kedudukanni sebagai raja' ge pulau di'ek ina' kan napon gama' kenayini, Putera Mahkota' Tupouto'a Lavaka Ata, tapi perpuspa'anni kan nu'on kenudi pada' waktu yo kan penili'ni sendiri gelo na'.
Tapi upacara tradisi Kava kan mu'on minggu' dapan kan ngangkat Putera' Ata sebagai raja'.
Raja' Tupou, keno percaya'i' andang manja' tiru' iyo na' sait seta'un tiru' samo iyo endo buai atin mulun.
.
Ratu Halaevala Mata'aho, tenangis kan anakni, Raja' George Tupou V, ge jani' ibunegeri' Nuku'alofa alu itu.
Anak sekulah nunduk uku' ido sebagai penghormatan untuk Raja' George Tupou V
.
Putera' Masahito Hitachi, kod Jipun, ngan awoni Puteri' Hanako Hitachi, ado sabi' od.
Write caption here
Gereja' ngan libun itom ngan unggu'
comments
0 Responses to "Raja' Tonga Nabu"Post a Comment