- Letor kelulu' ge duwo pesawat Singapore Airlines samo sebuah pesawat Qantas
- Keduwo-duwo syarikat ngakun ado letor, tapi munyi pesawat selamat
"Kita' endo mala' terus mempertaruhkan nyawa' urang ramai samo empuru' kapalbilun ina' kakal temulud dengan arapan ido kala' sabi' masa pemeriksa'anni empat ta'un," nini Steve Purvinas, Setiausaha The Australian Licensed Aircraft Engineers Association.
Keduwo-duwo syarikat penerbangan, samo Airbus, ngakun ido benor ado sempon letor ge pesawat ina' tapi kakal od ido munyi pesawat ina' selamat kan nisu'.
Ketabi'ni ado 67 Airbus A380 keno isu' ge seluruh dunia' masa itu gama' syarikat macam Qantas, Singapore Airlines, Emirates, Air France, Lufthansa, Korean Airlines samo China Southern.
"Jami' ngesahkan benor ado sempon letor ge bahagian kurang penting ge sayap sejumlah pesawat A380," jurucakap Airbus munyi alu itu.
"Jami' tiru' ngunjar sebab letor ina' samo ngumu' jadual pemeriksaan samo penjia'an yo mala' mu'on masa pemeriksaan biasa'."
Singapore Airlines, syarikat penerbangan keduwo terraya' ge dunia', ngisu' 14 buah A380 samo kan nerimo limo buah atin, sementara' Qantas tiru' nerimo 10 buah kod 20 buah yo neli ido.
Pesawat A380 na' tiru' nisu' dalom limo ta'un kebuaini. Iyo mala' ngimbit 525 penumpang dalom aturan biasa' telu kelas. Ketabi'ni, ado 238 buah pesawat A380 yo nisu' gama' 17 syarikat penerbangan ge seluruh dunia'.
Kapalbilun ina' keno pasang ge Toulouse, tapi bahagianni numu' ge lain-lain negeri' ge Eropah. Ladni na' keno umu' ge Broughton, Wales.
Singapore Airlines (SIA) samo Qantas Airways munyi, ido sempon letor na' ge sayap tapi iyo endo ngumu' nuwi-nuwi bahaya' samo keno usai tiru'.
Napon kod Mail Online. Isnin, 9 Januari 2012.
comments
0 Responses to "Super-Jumbo Airbus A380 Kelulu' Letor ge Sayap"Post a Comment