Eric Cantona Kan Jadi Presiden Perancis?

Eric Cantona seruma' 144 kali untuk Manchester United ngan 64 gol.

PALI' striker Manchester United Eric Cantona menyuara'kan niatni kan jadi presiden Perancis yo baru.

Bintang beumur 45 ta'un ina' beharap kan muwok pilihanraya' ta'un itu samo masa itu cuba' ngumpul 500 sain yo diperlu'kan.

Iyo mesti kala' sain na sebelum ujung Februari' samo iyo tiru' ngusung surat li ketabi' Datuk Bandar Perancis untuk mium sukungan ido.

Dalom suratni, Cantona mengutuk kekurangan peluang untuk urang muda' Perancis.

Suratni yo tenerbit dalom suratabar Liberation, munyi: "Peluang itu memerlu'kan jayi' bebasa' ngan lebi jujur kod biasa', tapi iyo od ngan anyam betanggungjawab, pada masa negeri' kita' itu menghadapi' keputusan yo payah untuk menentu'kan masa dapanni."

Iyo ado od munyi "ke-endo-adilan sosial" terhadap generasi' muda' Perancis sebagai "telampau adu, telampau ganas, samo telampau sistematik."

Calun-calun yo kala' nipun 500 sain mala' betandeng dalom pusengan pertama' ujung April, samo keduwo pemenang yo kala' undi' paleng adu mala' muwok pusengan keduwo untuk penentuan awal bulan Mei.

Walaupun terkenal, Cantona kakal od payah kan lepas pusengan awal ngan endado sukungan parti.

Karier Cantona

1983 Joined Auxerre

• 1983 muwok Auxerre
• 1988 muwok Marseille
• 1991 Pindah li Nimes
• 1992 Muwok Leeds United samo menang kejuaraaan
• 1992 Pindah li Old Trafford untuk £1.2j
• 64 gol untuk Manchester United samo kala' juara'Premier League ta'un 1993, 1994, 1996 ngan 1997

Napon kod BBC Online. Selasa', 10 Januari 2012.
http://news.bbc.co.uk/sport2/hi/football/16479880.stm