Turis Ngimbit Anakni Nati Li Kadai

Toyrianna Smith ngacut samo penapos anakni pasal iyo endo umu' beranti' temangis -- FOTO: AFP

CHICAGO - Setulu turis kod Chicago keno tudu' ngigot mayat anak di'ekni dalom penyangkut khas samo ngimbit anakni na' lakau-lakau li kadai pali' ni mbunu' anak telu bulan na' masa mabuk.

Ken Blackman Jr nati tiru' dalom masa mari sabi' 14 jam masa ni nimbit lakau-lakau gama' Toyrianna Smith samo ngelawat jiran ido, yo kegitan ema' ge selimut anak ina' samo terus ngambat 911.

Pendakwa mbada' Chicago Sun Times Toyrianna Smith, 20, ngacut samo pemapos anakni pasal iyo endo umu' beranti' 22 Jun alu ina'.

Iyo pali' mumba' vodka' ge lamin kawanni samo belema' ge bilek tamu' ido ngan anakni na'. Iyo pelan-pelan mupus kod lamin ina' jainni sebelum yapa' anak ina' sabi' ngala iyo.

Smith, 20, masa itu keno tenan dalom penjara' ngan jaminan US$1 juta' atas tuduhan mbunu' darjah pertama'. -- AFP

Napon kod Straits Times. 5 Julai 2011.

http://www.straitstimes.com/BreakingNews/World/Story/STIStory_685543.html