William & Catherine: 2 Bilion Betulu Urang Ni'an

• William munyi ge Kate masani sabi' ge Abbey 'Jiyu' lawa'"
• Pali' ina' iyo begalap ngan yapa' Kate, "Patutni' acara' keluarga' gala' tu."
  
• Duwo bilion betulu ni'an upacara' perkahwinan itu
  
• 5,000 penyukung keluarga' diraja' belema' ge Mall jani' Istana' Buckingham
• Prince struggles to get ring on Kate's finger
  
• Sejuta' betulu niman ge kireng jalan kan ni'an pasangan pengantin
• Prince William ninju' gelaranDuke of Cambridge, Kate jadi Duchess of Cambridge
  

.

Prince William ngan Catherine, Duchess of Cambridge, ciuman ge beranda' Buckingham Palace

'Jiyu' lawa'": Nini Prince Willian ge Kate.

Pengantin Baru: Prince William Duke of Cambridge ngan Catherine Duchess of Cambridge mupus kod Westminster Abbey ngan kenayini Pippa ngusai baju' pengantin.

Prince William ngan Kate Middleton betukar seng dapan Archbishop of Canterbury

Napon kod Daily Mail Online. Jumaat, 29 April 2011.

http://www.dailymail.co.uk/news/article-1381795/ROYAL-WEDDING-2011-Prince-William-Kate-Middleton-say-I-WILL-Westminster-Abbey.html#ixzz1KuowuoPw

Kate Sabi' ge Abbey Untuk Latihan Teraher

Couple trying to 'block out terror' of wedding watched by two billion

• Duta Syria keno bada' iyo endo jenamput pali' kejadian bunu' taman itu
• Peramal munyi ujan ngan gerung mala' nganggu' majlis perkahwinan diRaja'
• Kenayi layi Kate, James, gala' yo kan mbaca' masa majlis
  
• Pasangan diRaja' endo mayi adat, nulis mesej ido sendiri dalom buku' aturcara' majlis
• Queen endo sabi' majlis lema' ge istana', endo nyaid ucapan Harry sebagai Best Man

LONDON, Khamis.

Kate Middleton sabi' ge Westminster Abbey alu itu keno sambut ngan surak kod urang ramai 24 jam gala' atin sebelum iyo jadi awo Putera' William.

Iyo keno dengan gama' Best man Harry, samo pengireng-pengireng layi ngan turis samo ahli' kelurga' ni untuk latih teraher majlis ina'.

• NOW READ the Order of Service in full: See the official souvenir guide for the Royal Wedding of the century here
• The Royal tent city: Thousands pitch camp outside Westminster Abbey in preparation for London event of the year
• Wills' last day of freedom
• Cat who got the cream: Loving the limelight, Philippa is the Middleton sister who doesn't know the meaning of self-doubt. Just don't call her Pippa!
• DOMINIC SANDBROOK: Why 1981 was the year that forged modern Britain
• By Royal apartment: Inside the £5,000-a-night room where Kate will stay the night before the wedding
• How did Kate Middleton's family make their money?
• Royal Wedding: Latest news on Kate Middleton and Prince William
• Will rain stop play for Kate and Wills? Forecasters say 'real risk' of heavy showers and thunder ruining Royal Wedding

The Duchess of Cornwall, Camilla, bebasa' ngan urang ramai yo niman-niman majlis.

.

.

Page boy: William Lowther-Pinkerton, 10, sabi' ge Westminster Abbey.

Page boy Tom Pettifer, 8, ngan Lady Louise Windsor.

Enlarge

Buku' Aturcara' Majlis

Susanna Buckman, kod Maryland, U.S. ngan Jessica ngan Chelsea Spence kod Zimbabwe yo belema' ge Westminster Abbey.

.

Kem ge dapan Westminster Abbey antar urang niman belema'

Hiasan bendera' ge dapan No 10 Downing Street

Sambutan ge Bucklebury Church of England Primary School, kampung asal Kate Middleton.

Peminat yo mangkol belema' ge alun-alun endo jawu' Westminster Abbey anyam kan ngala' antar terjiya' kan ni'an majlis jain.

Beratus-ratus urang bekem ge balui Westminster Abbey

Pekerjo masang penghalang ge dapan The Goring Hotel antar Kate Middleton ngan keluarga'ni betipun untuk majlis perkahwinan ido

Napon kod Daily Mail Online. Khamis, 28 April 2011.

http://www.dailymail.co.uk/news/article-1381407/Royal-Wedding-order-service-reveals-Kate-Middleton-WONT-obey-Prince-William.html#ixzz1Kpr8jXLN

Pengawal DiRaja' Tetusu' Lempu' Katil

NORWAY, Jumaat.

Masa' ido kenyaid amaran keselamatan Raja' Norway bedaun awal minggu' itu, ke'kah perabang ngayi raja' ina' ge istana', tetusu' dai ido tindah ge lempu' katil.

Daun amarn keselamatan ina' penasang untuk mbada' ge Pengawal DiRaja' ado ahli keluarga' diraja' dalom bahaya'.

Tapi, ke'kah ido ngayi istana, tetusu' dalom kamar mandu' samo tetusu' lempu' katil tindah ido gala' endo payah ngelapur diri betugas.

Jiya' od gala' daun amaran ina' latihan gala' - tapi pengawal-pengawal ina' endo manja' tu.

Raja' Norway, Harald V.

"Ado pengawal yo tetusu' lempu' katil," munyi Major Roy Tore Ottesen, Timbalan Komander Pengawal DiRaja' na'.

"Mesti' ji' takankan ge situ, duwo kali ganda' pengawal yo sepatutni sabi' ado benor sabi'," bada' Ottesen ge Suratabar Dagbladet.

Mr Ottesen iyo od munyi ido kala' tiru' ngadan pengawal-pengawal yo tetusu' na', samo ido tiru' keno soalsiasat.

Napon kod Daily Mail. Jumaat, 15 April 2011.

http://www.dailymail.co.uk/news/article-1377311/King-Norways-personal-soldiers-hid-beds-distress-alarm-sounded.html#ixzz1JcEby2P6

Duwo Penutur Pengabisan Endo Umu' Bebasa' Atin...

...Pasal ido endo sejiya'!


Duwo betulu layi, Manuel Segovia ngan Isidro Velazquezto, iyo dai urang pengabisan yo manja' bebasa' Basa' Ayapaneco, sebuah basa' yo endo atin ado urang lain manja' ngisu' ge Mexico.

Tapi ido beduwo na' endo atin sayi' ngisu' basa' ina' - pasal ido andang endo ngam samo endo sejiya' sabi' endo betegur atin.

Padahal ido tabu sejani' gala', kurang setengah batu jawu' dalom kampung Ayapa ge Mexico.

Manuel Segovia setulu kod duwo betulu gala' atin yo tinggol manja' bebasa' Ayapaneco

Urang yo manja'kan ido munyi ido pun endo pandai kumbo laku ido beduwo na' endo betegur, samoado ado masalah raya' antara' ido.

Walaupun Basa' Ayapaneco mulun pali' jajahan Sepanyol kulu ni, basa' ina' kakal od mikin tayi pasal pendidikan wajib dalom Basa' Sepanyol, perpindahan penuturni, samo keadaan kampung yo mikin jadi bandar.

Ado 6,000 basa' ge dunia' itu, tapi dalom separuh keno jangka'kan kan tayi dalom seratus ta'un itu.

Setulu pengkaji' kod Indiana University, Daniel Suslak, munyi keduwo layi na' "endo adu persamaan", samo Mr Segovia, 75, "pemarah", yo setulu na' Mr Velaquez, 69, endo rimo lakau-lakau samo iyo na' "lebi serius" urangni.

Masa keno tetong ge laminni ge Kampung Ayapa ge Selatan Mexico, Mr Segovia mbada': "Masa ji' anak di'ek, ketabi' urang bebasa'. Segetip-segetip tayi basa' ina', masa itu mungkin iyo mayi mati samo jayi'."

Mr Segovia kakal tindah ngisu' basa' ina' ngan awo ngan anakni. Ido ngerati' tapi endo manja' bebasa' ma'ud ge iyo.

Kuluni iyo ngisu' Basa' Ayapaneco ngan kenayi ni layi, tapi iyo nati 10 ta'un lepas, menurut lapuran Guardian.

Dalom pada ina', Mr Velazquez keno pecayai' endo atin ngisu' basa' asli'ni na'.

Ngadan "Ayapaneco" na' ninju' gama' urang balui, tapi keduwo-duwo Mr Segovia samo Mr Velasquez ngambat basa' ido na' "Nuumte Oote", yo bemaksud "Suara' benor".

Daniel Suslak munyi ido beduwo na' maseng-maseng ngisu' arti lain-lain separuh, samo endo besetuju' kini. Jadi kamus yo mu'on Suslak masa itu kan ngisu' keduwo-duwo versi'.

Kelas basa' Ayapaneco ado od dalom rancangan sebagai usaha' teraher kan pemulun semula' basa' ina, tapi minat kod urang ramai endo berapa' samo ido beranti' sabi' walaupun Mr Segovia ado tiru' meli pinsil ngan buku' isu' kelas ina'.

Napon kod Daily Mail Online. Khamis, 14 April 2011.

Read more: http://www.dailymail.co.uk/news/article-1376757/Ayapaneco-Last-2-fluent-dying-language-speaking-other.html#ixzz1Jc4ujcqK

Meser: Mubarak & Anak Tenenan

Mubarak ngan anak-anakni layi tenenan dalom siasatan rasuah

Hosni Mubarak nunyi endo umu' mian atau mumba' dalom tahanan.


Terus li berita' utama'


Pendakwaraya' Meser nginju' perintah pali' Presiden Hosni Mubarak keno tenan dalom penyiasatan terbaru dalom kes rasuah samo sala'guno kuasa.

Iyo keno lapurkan dalom "keadaan endo stabil" se'alu pali' muwok sepitar ngan kes jantung. Iyo keno perintah tenenan kebuai 15 alu.


Anak-anakni layi Alaa samo Gamal iyo od tenenan dalom tuduhan rasuah samo keganasan, nini pulis.

Tuan Mubarak encurit kuasa' dalom bulan Februari pali' rakyat nunjuk perasaan.


Napon kod BBC News Online. Rabu', 13 April 2011.

http://www.bbc.co.uk/news/world-africa-13058855

Jipun: Krisis Nuklear Samo Tahap Chernobyl

Click to play

Pihak berkuasa' Jipun petuwod tahap krisis nuklear ge Fukushima njadi yo paleng lengkau, tahap ketuju'.

Keputusan itu bedasarkan radiasi' yo nelepas ge pusat nuklear Fukushima Daiichi kod awal tiru' tapi ke'kah lepasan radiasi' mengajut.

Tahap ketuju' sebelum itu ninju' ge kejadian Chernobyl ta'un 1986, masa radiasi' yo nelepas sabi' 10 kalai ganda'.

Perdana Menteri' Jipun Naoto Kan munyi radiasi ge Fukushima na' mikin kurang tindah.

Syarikat Tokyo Electric Power Co (Tepco), yo nguruskan puat ina', kan ngumumkan jadual kan nisu' ido ngawal masalah ina'.

"Pelan pelan, reaktor ge Fukushima Daiichi ina' mikin stabil," nini.

Endado da' ado pati pasal kebocoran ge Fukushima ina', samo risiko terhadap manusia' keno munyi endo lengkau.

Dalom pada ina' gempa bumi' sekuat 6.0 alu itu tendi (Selasa') nyebabkan syarikat pengurusan pusat ina' mpuru' pekerjo ni duras. Endo ado binasa lain keno lapurkan.


Napon kod BBC News Online, Selasa', 12 April 2011.

http://www.bbc.co.uk/news/world-asia-pacific-13045341

Amaran ge Kubur Tuan Saih

Panchor Papan, Tutong.

Sebuah kubur yo nunyi sesetengah urang sebagai keramat penasang tanda' amaran tiru' gama' Jabatan Hal Ehwal Ugama, Nabai.

Kubur yo genelar "Kubur Tuan Saih" malar tiru' nayon urang antar ido nabu barang sedakah macam sin atau lakanon sebagai tujuan nyampaikan ajat ido. Ido yo ngumu' itu kod lain-lain ugama' samo bangsa', ado urang Melayu' kini, tapi ado od bangsa' Cina' samo India kini.

Sebagai langkah gala' amaran itu endo betemban, papantanda' amaran yo penasang alu Jumaat (8 April 2011) lepas na' munyi nayi-nayi yo kelulu' terlibat dalom aktiviti bertentangan syarak ge kubur ina' mala' keno denda $2000 atau penjara' 3 bulan.


TUTONGKITA

Rooney Nelarang Seruma' Separuh Aher

Rooney besambai pali' njarengkan hat-trick dalom kemenangan 4-2 terhadap West Ham alu Sabtu' lepas.

Wayne Rooney munyi iyo "keciwa'" endo kala' seruma' ge FA Cup separuh aher ngelawan Manchester City 16 April gelo na' pali'ni gagal dalom bantahanni terhadap penggantungan duwo minggu'.

Penyerang Manchester United ina' nerimo hukuman Football Association pasal besambai li kamera TV pali' peruwok hat-trick ge West Ham Sabtu' lepas.

Tapi iyo ngerayu' pasal tempoh penggantunganni ina' yo "lebi-lebi" munyini.

"Macam endo lurus anyamni," nini Rooney, yo kan tenabu seruma' alu Sabtu' itu ngan Fulham od.

Penyerang 25-taun ina' ngumu' kenyataanni pali' pengumuman ina' ngan ngarang:
"Ji' keciwa' tenabu duwo perlawanan, yo sala'satu'ni adolah ruma' FA Cup separuh aher ge Wembley.


"Ji' ke'kah yo pertama' besambai dalom TV samo ji' endokan jadi yo paleng aher.

"Endo macam yo lain yo kelulu' besambai li kamera, jayi' mium ma'ap terus. Tapi ji' tenggalan od yo genantung pasal besambai. Endo lurus anyamni."

"Mbogala' dai, jayi' mesti' nerimo od. Nuwi yo terjadi ina tiru' terjadi, ji' mesti terus maju' kod situ. Iyo dai kan mu'onku' na'."

Napon kod BBC Sports Online. Juma'at, 8 April 2011.

http://news.bbc.co.uk/sport2/hi/football/12995661.stm

Ak. Md. Adib Ridauddin Bin Pg. Johari (LY-1442)

Buli ge Sekolah Mikin Teruk

Bandar Seri Begawa, Rabu' - Tiru' sebetulu mangsa' buli aherni ngelawan, iyo benukud samo senipak sabi' endung ni pusma' dalom kes yo ngelibatkan duwo pelajar ge Sekolah Menengah Sultan Jamallul Alam (SMJA) ge bandar.

Yapa' samo yama'ni sedi pasal pekerjo sekolah endo ngimbit anak ido li sepitar atau nginju' rawatan ge iyo, sambil munyi buli samo babukud andang mala' berlaku' ge sekulah.

Tapi sekulah ina' sepatutni lebi betanggungjawab terutama' tiru' mangsa ina' dalom keadaan cedera'.


"Masa jami' ngala Mughni, jami' gitan iyo ge antarni selalu' niman jami ngan matoni ni'an li tengod. Jami' ngelambai ge iyo balek-balek, tapi iyo endo sadar. Nayon awoji'. Awoji' ni'an iyo kan nantan, iyo dai nimbitni ge metuka", nini yapa'ni.

"Jami' gitan ema', samo munyini iyo buyon, jadi nimbit jami' iyo mian kulu sebelum imbit iyo li sepitar,"bada' yapa'ni.

Gambar nilu jawuini pali' keno bukud.

"Ji' marah pasal sekulah na' endo ngumu' usaha' untuk ngehubungi' jami', (samo) endo ngimbit anakji' li sepitar," nini yapa' ngan yama' anak ina'.

Iyo mbada' atin, sekulah sepatutni ngehubungi iyo, kalau endo berjaya, ido patut cuba atin pasal anyamni iyo endo od sayi' nutup handphone.

Ak Mohd Mughni mbada' iyo keno buli selalu tapi kenalom iyo ngelawan.

Kejadian berlaku' dalom pukul 8 sambut.

Napon kod Brudirect.com. Khamis, 7 April 2011.

http://brudirect.com/index.php/2011040644328/Second-Stories/bullying-in-school-turns-bloody.html

Dk Siti Salwa bte Pg Hj Idris (LY-1442)

Kemalangan Pasal Ujan

Kemalangan kenalom semasa ujan ncurit ge Daerah Belait. Kuala Belait, Selasa, 5 April – Alu itu ge Belait, ujan ncurit nyepot. Sekurang-kurang ni empat kemalangan alun-alun terjadi ge kudo buah kawasan berasingan. Dalom kejadian yo mulo-mulo, pulis narimo panggilan kecemasan kiro-kiro pukul 5.45 sambut ge kawasan Pekan Serio yo ngelibatkan sebetulu dereba layi warga' asing tapi endado kala’ kecederaan. Kenudi, dalom kejadian keduwo, pulis narimo panggilan kiro-kiro pukul 7.12 sambut. Kemalangan ina’ berlaku' ge kawasan Jalan Badas yo ngelibatkan sebetulu turis tempatan yo berumur 28 ta’un. Matuka’ yo nisu’ turis ina’ tepelanteng li dalom sukor ge kireng alun-alun ina’. Sekali atin, pulis narimo panggilan kejadian kemalangan alun-alun ge kawasan Anduki kiro-kiro pukul 8.26 sambut yo melibatkan sebetulu turis tempatan tapi endado yo cedera'. Ge kawasan Sungai Liang, kiro-kiro pukul 5.04 sambut, pulis narimo panggilan kemalangan ge kawasan Kilometer 38 Kampung Tunggulian. Sebetulu layi warga asing terlibat dalom kemalangan ina’. Pulis samo anggota' bomba' ngan penyelamat kalang-kabut li antar kemalangan ina'. Pulis kakal nyiasat punca'-punca' kejadian ina’. Napon kod Media Permata. Rabu', 6 April 2011 http://www.mediapermata.com.bn/rabu/apr6t2.htm Irsalina Nazihah Talip (LY-1442)

"Yama' Vampire" Mexico

Yama' Vampire kod Mexico ngan tanduk titanium samo tattoo ge ketabi' betuluni

MEXICO, Selasa, 5 April 2011.


Iyo sebenorni peguam terlatih yo berasal kod sebuah keluarga' alim yo kawin masa' umurni 17 ta'un.

Tapi Maria Hose Cristerna, yama' beumur 35 ta'un ngan empat betulu anak itu, keno kenali' sebagai "Turis Vampire" pali'ni jadi pelukis tattoo samo ngumu' betuluni jadi bahan seni' ekstrim.

Iyo munyi iyo mulai' ngumu tattoo pali'ni keno dera' beta'un-ta'un ge lamin.

Maria Hose Cristerna keno laherkan dalom keluarga' alim tapi jadi tattoo artist pali' nerusah pali' banoni beta'un-ta'un.

Iyo tiru nattoo kan 100% betuluni ni tiru, samo masang tanduk titanium ge tengkurokni, samo ipon bepulo gala'ni ado tareng.

'Tanduk itu adolah tanda' kekuatan, iyo penasang endo ngisu' bius.'


Jayi' masang tareng na' pasal ji' rimo kan Vampire masa ji' di'ek, samo tenukarku' rona' matoku' gala' jadi macam yo benor-benor umu'ku'," iyo mbada' The Sun.

Iyo petilu tatooni ge pameran tattoo ge Monterrey, Californa.

Tapi' perubahanni itu endoda' menga' da'. Iyo munyi iyo kan masang tanduk titanium atin ge likud uku'ni.

Iyo ngakun iyo kehidupan 'normal' ge laminni ge Mexico kunu'.

Napon kod Daily Mail Online. Selasa', 6 April 2011.

Read more: http://www.dailymail.co.uk/news/article-1373606/Vampire-woman-Maria-Hose-Cristerna-gets-horns-implanted.html#ixzz1IfLzogmN

Elak Akidah Ahli Sunnah Wal Jamaah Tambus gama' Aliran Lain

BANDAR SERI BEGAWAN, Isnin, 4 April - Pemantapan aqidah Ahli Sunnah Wal Jamaah perlu' dikuatkan mulai' kod lamin, diteruskan ge sekulah rendah samo sekulah menengah, dan kemuncakni iyolah Pusat Pengajian Tinggi'. Melalui institusi'-institusi' itu dai pengajian tauhid atau usuluddin, akidah Ahli Sunnah Wal Jamaah ina', mala' pemulun gala' jiya' ulunni samo mantap, samo endo keno tembusi' gama' lain-lain aliran yo menyimpang, nini Mufti Kerajaan, Yang Berhormat Pehin Datu Seri Maharaja Dato Paduka Seri Setia (Dr) Ustaz Haji Awang Abdul Aziz Juned. Untuk melaksana'kan agenda' itu, memerlukan mekanisme, terutama' sekali' tenaga' manusia' berupa' pendakwah, guru-guru samo pensyarah-pensyarah. Itu dai yo paleng nantu'kan, nini Pehin masa nyampaikan Kertas Kerja Perdana "Pemantapan Aqidah Ahli Sunnah Wal Jammah Melalui Pengajian Usuluddin ge Institusi Pengajian Tinggi" ge Seminar Serantau Pengajian Usuluddin di Institusi Pengajian Tinggi Abad 21: Cabaran dan Prospek alu itu. Seminar anjuran Fakulti Usuluddin, Universiti Islam Sultan Sharif Ali (UNISSA) ina' berlangsung ge Dewan Persidangan Pusat Pameran Pertahanan Antarabangsa (BRIDEX) Jerudong ge situ. Yang Berhormat Pehin seterusni munyi: "Kita perlu' mili', neliti', ngenali' samo napis ido tentang ilmu'ni, akhlakni samo aqidahni." Selain ina' Pehin iyo od ncadangkan enom perkara' untuk institusi pengajian tinggi' usuluddin ge Nabai samo nginju' nasihat beguno kod Allahyarham Pehin Datu Seri Maharaja Dato Doktor Haji Ismail bin Umar Abdul Aziz dalom Fatwani bertarikh 21 Rabiulawal 1409 bersamaan 1 November 1988, antara'ni: "Sayugia apon ingatan dalom perkara' ngala' guru atau pendakwah muwok li dalom Nabai, supaya cermat samo bejaga'-jaga' samo teliti' benor-benor kan tiap-tiap guru yo ngajar dalom negara' itu, atau pendakwah, mesti' peneriksa' tentang iktikad samo hobi samo tabiat guru samo pendakwah ina'. Adokah iyo penganut fahaman iktikad kufur macam Qadianiah atau Ismailiah atau Yazidiah atau iktikad sasat macam Syiah atau Zairiah Imamiah atau Rafidiah. "Urang-urang ina' ado ge tana' India, Pakistan, Iran, Syria, Lubnan, London samo Amerika. Puak-puak pertama' itu puak-puak kufur yo ngakun Islam tapi ido ke'kah Islam dan puak-puak keduo ina' puak-puak sesat tindah." Mufti Kerajaan seterusni menegaskan supaya perkara' ge tengod dong diabaikan, tapi nu'on garispandu' yo mesti nisu', jadi pihak berwajib mesti' mematuhi garispandu' ina' dalom mili' guru/ pensyarah/ pendakwah. "Ndo memadai setakat ni'an ulah gala', menguji' kebolehan, kepetahan samo setakat nilai segulung kertas (ijazah), tetapi pastikan od kod dembo abi'ni, ge dembo pendidikanni, macam mbo akhlakni, kecenderunganni, kesukaanni dan lain-lain," nini Pehin. Napon kod mediapermata.com.bn. Selasa, 5 April 2011. http://www.mediapermata.com.bn/selasa/apr5t1.htm Mu'izzuddin Rambli (LY-1442)

80 Insan Istimewa' Ni'an Wayang Percuma'

Pelajar berkeperluan khas mayek sempon ngan kawan-kawan ido

BANDAR SERI BEGAWAN, Ahad, 3 April - Kiro-kiro 80 betulu pelajar terdiri' kod urang-urang kurang upaya' samo pelajar berkeperluan khas kenalom kala' ni'an wayang secara' percuma sumbangan kod Seri Qlap Cineplex ge Seri Qlap Mall Kampung Kiulap.


Ketabi' pusat-pusat insan berkeperluan khas ge keempat-empat daerah temuwok dai Pusat Bahagia Pulaie Brunei Muara, Pusat Bahagia Tutong, Pusat Bahagia Eric Goh Belait samo Pusat Bahagia Temburong nambat sabi' ni'an wayang ina' .

Abi' ido ge siyo, ido senambut gama' kakitangan Seri Qlap Cineplex. Setulu pelajar berkeperluan khas mbada' pengalamanni dalom basa' isyarat munyi ido anyam besyukur samo gembira' pasal pihak Seri Qlap Cineplex ina' murah ati' nginju' ido ni'an wayang secara' percuma'.


Walaupun setengah daripada ido na' pelajar babau samo endo kenyaid tapi walaupun kina' , pihak Seri Qlap Cineplex petilu ido wayang yo sesuai ngan menarek.

Iyo dai ido sanang ngerati' wayang yo teni'an ido na'. Ido od endo kebilu berterimo-kasih ge pihak Seri Qlap Cineplex.


Yo mayi sabi' pegawai kod Jabatan Pembangunan Masyarakat Jabatan Belia dan Sukan, pengajar-pengajar kanan, guru-guru dan Kakitangan Pusat Bahagia sebagai pemerhati samo pengawas.


Napon kod mediapermata.com.bn. Isnin, 4 April 2011.

http://www.mediapermata.com.bn/isnin/apr4t16.htm

Hajimah Mosah (LY-1442)

Mayat Layi Manyod Sempon Jani' Kuala Tutong

Helikopter yo mayi operasi' ngunjar ngan nyelamat.

Pasukan Bomba' ngan Penyelamat kan ngusung mayat Rozani li sepitar.

Gambar: Hj Minor Absah

Tutong (Sabtu') - Mayat Allahyarham Rozani bin Hj Hujan, yo tayi masa madas samo telu' betulu lain, keno sempon kenalom seripot ge kawasan pantai dalom kiro-kiro duwo batu kod Kuala Tutong.

Dipercayai' akob raya' nubar samo nebalek bot ido masa' ido madas kenalom.

Urang kampung jani' munyi, laut ge balui Kuala Tutong bergelora' masa kejadian ina'.

Telu betulu lain ge dalom alud yo samo ngisu' jaket keselamatan masa tragedi ina' belaku tapi Rozani endo sempon.


Usaha' ngunjar Rozani keno teruskan kenalom gama' Pasukan Polis Diraja Brunei, Angkatan Bersenjata Diraja Brunei samo Jabatan Bomba dan Penyelamat.

Dalom kiro-kiro pukul 2:30 seripot kenalom, pasukan penyelamat ngisu' helikopter Angkatan Bersenjata Diraja Brunei kegitan mayat Rozani ge pantai duwo batu kod antar kemalangan ina' belaku.


Mayat Allahyarham Rozani nusung li Sepitar Tutong pali ina' senerah li keluarga'ni untuk urusan jenazah.




Napon kod Borneobulletin.com, Ahad, 3 April 2011.

http://www.borneobulletin.com.bn/sunday/news/apr3h5.htm

Nor Rafidah Hj Mokhtar (LY-1442)

Layi Tayi Pali' Bot Tebalek ge Kuala Tutong

0Share

Kuala Tutong

Bandar Seri Begawan (Jumaat) - Duwo layi ngan duwo turis dalom umur 30an tebabit dalom jalo' kemalangan bot ge kawasan Kuala Tutong, semasa duwo pasangan ina' ncurit untuk memadas kiro-kiro dalom pukul 11.00 sambut tendi.

Setulu layi kakal endoda' sempon buat usaha' ngunjar iyo kakal od diteruskan sabi' lema' itu nendi.

Menurut ahli' keluarga' jani' pasangan merawo ngan pasangan tunangan ina' ncurit untuk memadas.

Duwo turis ina' mala' senelamat ngan segera' pasal ido ngisu' jaket keselamatan.

Sementara, setulu layi atin nimbit ido terus ge sepitar ge situ.

Makluman awal kod pihak pulis munyi pali' gala' 1 km kod pantai bot edo karom, dipecayai' tenubar gama' kelon.

Kejadian ina' disaksi'kan gama' urang ramai yo ado ge kawasan ina' ngan bantuan kod Pulis Marin, Jabatan Bomba ngan Penyelamat samo Angkatan Bersenjata Diraja Brunei.

Pihak Pulis nerimo laporan ngenai kejadian ina' pada pukul 11.48 sambut. Sehingga berito itu tenulis, usaha' ngunjar samo nyelamat kakal keno teruskan.

Napon kod Brudirect.com, Sabtu, 2 April 2011.

http://www.brudirect.com/index.php/2011040143975/Third-Stories/man-missing-after-boat-capsizes-in-kuala-tutong.html

Siti Norlinah Hj Morani (LY-1442)

Anak Di'ek 19 Bulan Nati Genisil Keretapi'

Keluarga' nuas mayat Mohd Adam li bilek mayat Sepitar Machang kan bedah siasat.

Keluarga ndo sadar mangsa' lakau ke landasan


MACHANG (Malaysia'): Sebetulu anak di'ek layi 19 bulan yo taman pandai lakau nati, pali' tegisil gerabak keretapi' ekspres Senandung Wau ge Kilometer 457.5, ge Kampung Sungai Bedal, jani' Temangan ge situ, kenalom.


Dalom kejadian kiro-kiro pukul 8.30 sambut ina', mangsa, Mohd Adam Mukhriz Mohd Afif keno munyi terpelanteng kiro-kiro 10 meter kod landasan.

Semasa kejadian, ini' layi samo ini' turisni ado ge kabun jani' landasan keretapi' na', buat yabu'ni ado ge lamin yo terletak kiro-kiro 100 meter kod landasan.

Ini' layi mangsa', Mahmud Mat Daud, 58, yo ngasuh ayamni ina' kod umurni duwo bulan munyi, Adam selalu'ni gangka' tada' alu tapi kenalom ina' iyo gangka' awal samo endo sadar-sadar lakau nuju li landasan.

“Jayi' samo awoji' masa ina' jani' antar kejadian ina' tekencor nyaid daun hon keretapi', awo ji' ncuba' nyelamatkan Adam, tapi ndo sampat,” munyini.

Yapa'ni, Mohd Afif Jaafar, 27, ndo nyangka' nupi' ni'an dirini nabu' pasal eksidin kebuai telu alu' bejurut-jurut jadi petanda' iyo kan tayi anakni yo tuko kod duwo bekenayi' ina'.

“Pali' nupi' kali ketelu, jayi' muhun cuti kan muli' kampung kan nyempon Adam yo tenabu ge ini'ni.

“Macamana od, ajat kan ni'an Adam ndo kesampaian tiru' sebetulu' saudara jani'ji' nelipun jayi' kiro-kiro pukul 10 sambut tendi (kenalom) mbada' pasal kemalangan arwah,” munyini yo bekerjo ge sebuah syarikat swasta ge Marang, Terengganu, masa senempon ge Sepitar Machang ge situ kenalom.

Ketua Bahagian Pengurusan Polis (KBPD) Machang, Pen. Superintendan Loo Lian Lay masa tenelipun ngesahkan kejadian samo mbada' pihakni menerimo maklumat kod urang awam mbada' ido pasal kemalangan ina'.

Napon kod Berita Harian, Jumaat, 1 April 2011.

http://www.bharian.com.my/bharian/articles/Budak19bulanmautdigeselkeretaapi/Article

Hajah Masernizan binti Haji Mahmud, LY-1442.