Pembunu' Norway, Breivik Sah Endo Maula'

Anders Breivik keno rakam dalom mahkamah masa Februari.

Serangan ge Norway:

• Assessing a killer's sanity
• The victims
• How attacks happened
• Breivik profile

Ujian psikiatrik keduwo terhadap layi Norway yo mbunu' ramai mangsa', Anders Behring Breivik, ngesahkan iyo sempurna' akal untuk menghadapi' perbicaraan samo penjara'.

Keputusan itu becanggah dengan keputusan ujian mulo-mulo dalom bulan November yo munyi iyo sebenorni maula' kod segi' undang-undang.

Breivik kan keno bicara' alu Isnin atas serangan bom samo timbakan dalom bulan Julay ta'un lepas yo mbunu' 77 betulu.

Keduwo-duwo lapuran kan keno pertimbangkan gama' mahkamah untuk menentu'kan samo'ado iyo kan nusung li wad psikiatrik atau penjara'.


Penilaian keduwo itu keno luluskan gama' mahkamah dalom bulan Januari berikutan kecaman terhadap ujian ta'un lepas yo munyi iyo psikotik masa serangan ina', samo iyo keno munyi paranoid schizophrenic - yo bemaksud raya' kemungkinan iyo kan tenenan dalom penjagaan psikiatrik.


Ramai mangsa' seranganni yo kakal mulun masa itu munyi iyo sempurna' akalni, samo ukuman yo paleng tepat iyo dai penjara'.





Napon kod BBC News Online. Selasa', 10 April 2012.
http://www.bbc.co.uk/news/world-europe-17663958

Pengawal DiRaja' Tetusu' Lempu' Katil

NORWAY, Jumaat.

Masa' ido kenyaid amaran keselamatan Raja' Norway bedaun awal minggu' itu, ke'kah perabang ngayi raja' ina' ge istana', tetusu' dai ido tindah ge lempu' katil.

Daun amarn keselamatan ina' penasang untuk mbada' ge Pengawal DiRaja' ado ahli keluarga' diraja' dalom bahaya'.

Tapi, ke'kah ido ngayi istana, tetusu' dalom kamar mandu' samo tetusu' lempu' katil tindah ido gala' endo payah ngelapur diri betugas.

Jiya' od gala' daun amaran ina' latihan gala' - tapi pengawal-pengawal ina' endo manja' tu.

Raja' Norway, Harald V.

"Ado pengawal yo tetusu' lempu' katil," munyi Major Roy Tore Ottesen, Timbalan Komander Pengawal DiRaja' na'.

"Mesti' ji' takankan ge situ, duwo kali ganda' pengawal yo sepatutni sabi' ado benor sabi'," bada' Ottesen ge Suratabar Dagbladet.

Mr Ottesen iyo od munyi ido kala' tiru' ngadan pengawal-pengawal yo tetusu' na', samo ido tiru' keno soalsiasat.

Napon kod Daily Mail. Jumaat, 15 April 2011.

http://www.dailymail.co.uk/news/article-1377311/King-Norways-personal-soldiers-hid-beds-distress-alarm-sounded.html#ixzz1JcEby2P6