Tutong Kita: Meser: Omar Suleiman Puru' Besabar

Click to play

Timbalan Presiden Meser: "Jami' ado pelan untuk mulakan dialog."

Kekacauan ge Meser:

CAIRO, MESER. Jumaat.

Timbalan Presiden Meser Omar Suleiman ngerayu' mium inju' masa untuk ngadokan reformasi politik sebelum pilihanraya' presiden bulan September.

Iyo nginju' amaran kemungkinan ado kekusungan politik kalau tempoh masa peralihan kuasa endo keno umu'.

Presiden Hosni Mubarak tiru' besetuju' kan beundur bulan Septemeber, tapi pembantah umu' iyo ngeletak jawatan serta'-merta'.

Rayuan Omar Suleiman na' numu'ni pali' kudo alu tiru' ado kacau ge tada' Kaherah, ngan pembantah besegayi dengan penyukung Mubarak.

Batu ado benaleng kod duo-duo tepi', samo ado daun timbakan od kenyaid.

Askar yo berusaha' kan ncaraikan keduo-duo tepi' na' gagal ulahni kan ngawal ido.

Menteri' Kesihatan Meser Ahmed Samih Farid munyi mari betulu tiru' nati begagud kod alu Rabu' samo 890 betulu cedera', pi'on betulu cedera' parah.

Napon kod BBC News Online, Jumaat, 4 Februari 2011.

Friday, February 04, 2011