Kelit Tabu dalom 'Cawan Kuyad'

Bats in Borneo roost in carnivorous pitcher plants

By Ella Davies Earth News reporter

Sejenis kelit pu'ol keno kelulu' tabu ge dalom "Cawn kuyad" raya' yo mala' mian binatang ge dalom talun Temburong, Nabai.

Kajian tebaru munyi pu'un Cawan Kuyad na' kala' nutrien kod tayi' kelit yo mangkol ge dalomni na'.

Aturan ganjil itu ulahni jiya' untuk kelit ina' od pasal ido mala' tenusu' dalom cawan na' daripada musuhni.



Walau ado binatang di'ek lain sayi' od kelulu' padung ge dalom Cawan Kuyad na', itu taman sayi' sejenis mammalia kelulu' tabu ge dalom tumbuhan ina'.

Cawan kuyad jenis Nepenthes ina' biasa'ni mulun ge kawasan tana' yo kurang nutrien, jadi arapkan serangga' di'ek enjatu' dalom cawanni na' untuk kala' nitrogen.

Cawan Kuyad na' kala' jiya' od kod kelit na' pasal iyo padung dalomni, macam ge jamban Dr Ulmar Grafe

Dalom kajian baru yo tenerbit dalom jurnal Biology Letters, saintis sempon subspesis Cawan Kuyad na' ado hubungan unik ngan mammalia.

Dr Ulmar Grafe, Associate Professor ge Universiti Brunei Darussalam (UBD) samo kumpulan pengkaji'ni nyelidik cara' tumbuhan na' kala' nitrogen, tekajut sempon kelit pu'ol na' dalom cawan kuyad.

"Benor-benor endo sangka' ado kelit tabu de dalom Cawan kuyad na secara' beterusan," nini Dr Graffe.

Kelit jenis Hardwicke's woolly bats (Kerivoula hardwickii) keno sempon tabu ge dalom Cawan kuyad na' ge tengod empa' ge dalom ina'.

Ke'kah kenianni kelit na' ketabi untuk kala' nitrogen, Cawan kuyad na' "mian" tayi'ni gala', nini Dr Grafe.

Rona' liyom dalom Cawan Kuyad na' iyo dai kelit dalomni na'

Itu taman dai kelulu' mammalia tabu ge dalom tumbuhan yo mian dageng na'.

Dr Grafe munyi dapatan kajian itu mbuktikan biodiversiti adolah kunci dalom nyelamatkan kehidupan liar ge bumi' itu.

"Itu adolah jalo' cuntu' hubungan bebalas "mutualism" antara binatang-tumbuhan... yo nilu kalau jalo' spesis nati atau lanyap kod ekosistem, iyo kan ngumu' kesan ge adu spesis lain."

Napon kod BBC News, Sabtu', 5 Februari 2011.

http://news.bbc.co.uk/earth/hi/earth_news/newsid_9372000/9372874.stm