Pelumbung NZ Tayi Pali' Latupan

27 betulu pelumbung tayi pali' sebuwa latupan ge lumbung arang ge South Island (Pulau Selatan), New Zealand.

Datuk Bandar Greymouth, dalom 50km (30 batu) kod Lumbung Pike River, munyi keadaan ina' "serius od" tapi ado penyelamat kan nulung.


Tapi, jadi keingau od pasal ado atin jalo latupan yo ngumu' payah kan muwok dalom lumbung ina'.

Setakat itu endoda' ado perhubungan dengan pelumbung-pelumbung yo tayi na'. Keluarga' samo saudara'-mara' ido ado betipun ge antar kejadian.

Awal ina' ado duwo betulu pelumbung yo telepas ngan kecederaan ringan gala'.

Kejadian berlaku' dalom pukul 1530 waktu tempatan siyo (0230 GMT).

Pulis munyi setulu juruletrik muwok dalom lumbung na' dalom pukul 1550 kan nyiasat karan padom. 1,500m (4,920 kaki) dalom lumbung ina' iyo kelulu pelakau misin ina' tepelanteng, terus ni nginju' amaran ge balui.

Please turn on JavaScript. Media requires JavaScript to play.

Click to play

Click to play

Advertisement

Ido ngan setulu atin pelumbung nupus dengan selamat terus ido mbada' pegawai siyo ado atin telu betulu dalom perjalanan temuwod. Tapi sabi' itu endo ado da perhubungan ngan kumpulan keduwo ina'.

Sarikat pelumbung ina', Pike River Coal, munyi 27 betulu pekerja' ido kakal endoda' keniro - 15 betulu staf ido sendiri, 12 staf kontraktor tempatan.

Ketua sarikat, Peter Whittall, menafikan ado mayat tiru' keno sempon.

Pakar melumbung munyi kemungkinana latupan ina' pasal gas Methane, atau latupan abuk arang, atau kombinasi keduwoni.

Lapurang kod TVNZ munyi keadaan siyo macam ado latupan raya' ngan pu'un kayu kegitan bebidu', ngan puwod, samo sebuwa bangunan kabin rubuh.

.

Napon kod BBC News Online, Jumaat, 19 November 2010, 8.32pm
http://www.bbc.co.uk/news/world-asia-pacific-11793926