Amah Indonesia "Benunu' ge Arab Saudi'"

Sumiati Binti Salan Mustapa cedera ge jawui ngan damat ge bampai' dipercayai genunteng.



Indonesia mium seniasat lapuran mengenai setulu amah ge Arab Saudi yo benunu' gama' majikanni kunu' samo mayatni nikai ge tung sampah.

Presiden Susilo Bambang Yudhoyono munyi sekumpulan pegawai tiru' nusungni li bandar Abha ge Saudi untuk nyiasat kes bunu' Kikim Komalasari, 36.

Taman od ado sekumpulan pegawai awal tiru' nusung li Saudi untuk nyiasat kes dera terhadap setulu atin amah, Sumiati Binti Salan Mustapa, yo masa itu tenenan ge sepitar ge Medina.

Sumiati cedera' ge jawui ngan bampa'ni damat pali' nerusah gama' majikanni ngisu' gunteng kunu'. Iyo od beritoni nu'on do ngan besi lawu'.

Presiden Indonesia mium keadilan untuk "penderaan melampau" ina'.

Media Indonesia' ngelapur alu itu, Kerajaan Saudi tiru' nggamot majikan turis Sumiati na', samo mium maap atas penderaan ina'.



Napon kod BBC News Online, 18 November 2010
http://www.bbc.co.uk/news/world-asia-pacific-11795356