"Layi Tertua' Tokyo" Nati 30 Ta'un Tiru'

Sebuwa keluarga' nusu' mayat 'mummy' kebuwai 30 ta'un untuk nenan gelaran "Layi tertua' Tokyo".

Urang tua' ge Tokyo.

Pulis ngelawat lamin Sogen Kato taman kelulu' mayat ni pali' kebuai itu endo keno layan gama' keluarga' ni.

Dalom lawatan sebelum itu, pihak berkuasa' benada' gama' keluarga Kato iyo umu' kan jadi Buddha mulun samo endo umu' nyempon nayi-nayi.

Mayat Kato - yo sepatut ni beumur 111 - keno sempon ngisu seluar dalam dan baju mangkol , samo ngan selimut.

"Keluarga' ni mesti' tiru' manja' selama itu iyo nati tiru', tapi pura-pura macam nado nuwi-nuwi," nini Yutaka Muroi, pegawai kesejahteraan Metropolitan Tokyo.

"Keba'ut od!"

Pulis mesa' muwok ge dalom lamin Kato atas permuhunan pegawai yo ngemaskini'kan senarai urang beumur lebi seratus sempena' Alu Menghormati Urang Tua' bulan September gelo na'.

Keluarga' Kato masa itu keno siasat atas tuduhan nerimo sin secara sala' dalom kiro-kiro B$160,000 sin pincin, menurut lapuran Japan Today online.

"Ini' layi na keba'ut benor urang ni. Jadi, jami endo mala' mbuka pintu," nini ayam Kato ge pulis kunu'.

"Iyo bekurung dalom bilek endo ngan lakanon atau empa'."

Napon kod Johanna Kippo, Sky News Online, 31 Julai 2010, 2.35am

http://news.sky.com/skynews/Home/World-News/Sogen-Kato-Tokyos-Oldest-Man-Died-30-Years-Ago-Officials-In-Japan-Say/Article/201007415673630?f=rss