Kuyad Bangkatan

TUTONG.

Kuyad Bangkatan nambat do od Kuyad Belanda mangkali sabab endung ne buat ina kali. Iyo bulih raya sabi 66 - 72 cm buat dan berat ne antara 16 - 23 kg. Buat iyu dan badan ne lebih kurang samo.

Kuyad itu ado ga Pulau Borneo gala. Ido mulun dan tabu ga talun bakau, kiring liu dan ga payo.

Kuyad bangkatan turis menjadi dewasa atau matang umur 4 ta'un, laye ne antara 4 - 5 ta'un. Purata atau itung panjang umur hayat ido 20 ta'un.

Tempo masa beteri kuyad bangkatan turis sebuai sekitar 5 bulan. Anak yang baru nupus jayoi ne bawarna biru tua dan barubah warna sekitar umur ne 3 - 4 ta'un. Anak bacarai susu atau ndo atin miti ga yama ne tiru iyo baumur 1 - 1 1/2 ta'un.

Lakanon do kod tumbuh-tumbuhan seperti da'un, bua-bua, tuli-tuli, bunga dan sebpe. Ga habitat samula jadi do kuyad itu mala ti'an dalom kumpulan katabi laye atau pun kumpulan selong laye dewasa dan adu kuyad turis dan anak-anak do.

Kuyad itu aktif waktu alu terutama awal sambut dan sebela seripot.

Kuyad Bangkatan itu adu ga Tutong. Kalau jumu kan ni'an lakau gala ga kawasan tamu Serambangun, jani jambatan. Ti'an gala ga pulau pung dan pulau bakau ina. Tapi dong tatilu. Kundu ga matoka atau tasusu ga satepi kayu. Kalau ido kagitan ado urang bagarak duras dai ido.

Walaupun talun bakau ina sagetip, antara jambatan lama dan jambatan baru tapi sungguh menakjubkan adu fauna dan flora ne. Kita sebagai janarasi masa itu patut menjaga dan memelihara khazanah yang sangat berego itu. Dong mu'on atau dirosakkan habitat ido ina supaya anak cucu kita mala ni'an dan menikmati keindahan alam itu.


NAKODA. Jumaat, 30 Julai 2010.