Olimpik 2012: Ye Shiwen Ma'ud Pengkritik

'Sumpoh ji' endo ngisu' dadah."

Pengkritik berat setepi'.

 

Ye Shiwen, perenang sensasi Sukan Olimpik London, mbalas kritikan yo munyi iyo ngisu' dadah, sambil munyi ido ado agenda terhadap China.


Ye, 16, menang emas keduwoni dalom acara' 200m individu' medley, pali' ina' bebasa' ge sidang media' munyi iyo endo sayi' ngisu' dadah samo iyo tekinyam macam keno teka' endo tantu'.

"Ido na' berat setepi',"munyi Ye yo menang 400 individu medley awal minggu' itu.

"Ge negeri' lain sayi' urang menang adu pingat tapi endo keno munyi nuwi-nuwi. Kumbo ido mengkritik jayi' tenggalan?  Jayi' endado sayi' ngala' dadah."


Ye ulahni membangga'kan, sentiasa' tenang samo senyum sekali-sekala'.  Iyo tepaksa' nangkis pengkritikni tenggalan, endado ngan bantuan persatuan renang China.   Tapi ado od sukungan kod setulu wartawan China yo balek-balek mpuru' Ye menjelaskan cerita'ni.  Ye keno sukung od gama' perenang Amerika' yo kala' pingat gangsa', Caitlin Leverenz.

 

"Sanang kan neka' urang, tapi' mala' mu'on ju kaina' ngan dembo-dembo perenang," nini Leverenz, yo kalah gama' Ye samo perenang Austarlia' Alicia Coutts. 

"Iyo mbukti'kan turis mala' lebi laju' kod layi.  Jayi' mengucapkan tahniah ge Shiwen atas pencapaianni."


Napon kod Mail Online. Rabu', 1 Ogos 2012.

Read more: http://www.dailymail.co.uk/sport/olympics/article-2181835/London-Olympics-2012-Ye-shiwen-I-drugs.html#ixzz22JRUxuBM