Turki Bantah Serangan Syria ge Sempadan

Krisis Syria

• Divisions laid bare
• Opposition disunity
• Guide: Syria Crisis
• Year of protest

Turki ngumu' bantahan pali' tentera' Syria ngelepas timbakan ge sempadan, dalom sebuah serangan yo taman sayi' tejadi kod-kod Turki nerimo pelarian kod kekacauan itu.

Ankara ngambat duta Syria lepas duwo kejadian keganasan yo te'imbit-imbit sabi' muwok dalom Turki, yo nyebabkan sekurang-kurangni duwo betulu nati samo ramai cedera'.

Dalom kejadian lain, setulu jurugambar kod Lubnan keno timbak nati ge sempadan Syria-Lubnan.

Keganasan itu tejadi dalom suasana' macam endado arapan kan ado gencatan senjata' yo kan mula'i' alu Selasa' itu macam yo keno rancangkan.

Urang begagud terus menjadi ge Syria walaupun ado tiru persetujuan damain, yo memerlu'kan tentera' Syria mupus kod kawasan bandar.

Sekurang-kurangni 80 betulu keno lapurkan tebunu' alu Isnin gama' aktivis. Angka itu temuwok 12 betulu pegawai keselamatan Syria yo tebunu' dalom keganasan ge sempadan Turki, menurut lapuran the Syrian Observatory for Human Rights group.

Aktivis ado od ngelapur pasal sekurng-kurangni 3o urang awam yo nati dalom serangan tentera' Syria ge daerah Hama.



Napon kod BBC Online. Isnin, 9 April 2012.

http://www.bbc.co.uk/news/world-middle-east-17656657