Dreamliner Sabi' Ogos 2013

Bandar Seri Begawan - Royal Brunei Airlines (RBA) kan nerimo pesawatBoeing 787 Dreamliner pertama'ni bulan Ogos ta'un 2013, munyi ido kenalom.

"Jami' endado da' alubulan tatap kudo B787 na' sabi' masa itu. Tapi, jami' mala' munyi jami' beusaha' kan nerimo yo pertama' sebelum Ogos 2013," bada' setulu jurucakap ge The Brunei Times.

Berito pasal pesawat yo keno timan-timan itu keno lapur dalom suratabar TTG Asia, dembo Timbalan Pengerusi' RBA Dermot Mannion bebasa' pasal usaha' RBA kan nukar halatuju' ido sebagai sebuah penerbangan "butik" yo kan "temulud li destinasi jawu' yo strategik gala'."

Lapuran dalom TTG Asia ina' iyo od munyi penerbangan alu-alu kod samo li Melbourne kan aturon gala' nyambung perkhidamatan li Dubai-London.

Aturan macamitu kan mu'on ngan lain-lain destinasi macam Manila, Singapura', samo Hong Kong.

RBA mulo-mulo ngumumkan iyo kan meli Boeing 787 Dreamliner masa Julai 2007, ngan sasaran nerimo pesawat dalom ta'un 2009.

Keno munyi pesawat yo paleng ekonomi ngisu' anyu', Dreamliner ina' pesawat komersil saiz pertengahan yo pertama' yo mala' temulud jarak jawu'.

Napon kod Brunei Times. Jumaat, 16 Mac 2012.
http://www.bt.com.bn/news-national/2012/03/15/dreamliner-delivery-aug-2013