Presiden Perhimpunan Agung Unesco Katalin Bogyay ngumumkan keputusanni
Badan kebudayaan UN ngundi' denga jelas kan peruwok Palestin jadi ahli'ni - keputusan yo keno tentang gama' Israel samo US.
Kod 173 negeri' yo ngundi', 107 nyukung, 14 mbantah, samo 52 berkecuali'.
Menurut undang-undang US, Washington mala' perupus dana' untuk Unesco atas sebab itu. Itu bemaksud agensi ina' mala' tayi sabi' $70m (£43.7m) - lebi 20% bajetni.
Majlis Keselamatan UN kan ngundi' od bulan dapan untuk nginju' Palestin keahlian penu' dalom UN.
Keahlian dalom Unesco- yo lebi terkenal pasal World Heritage Sites - ulahni macam langkah ganjil dalom usaha' ido kan jadi sebuah negeri' berdaulat, nini pelapur BBC Jon Donnison ge Ramallah, tapi ketua'-ketua' Palestin munyi ina' sebahagian cara' ido kan kala' pengiktirafan antarabangsa' samo nugmu' tekanan ge Israel.
Unesco adolah agensi UN pertama' yo nuwok Palestin kod-kod ido ngusung permohonan ido kan muwok Majlis Keselamatan dalom bulan September alu na'.
Kemenangan itu kan nginju' keyakinan ge Presiden Palestin Mahmoud Abbas. Iyo kalah gama' lawanni Hammas masa pergerakan Islam kala' ngerundeng pelepasan beratus-ratus tahanan Palestin sebagai pertukaran untuk setulu askar Israel Gilad Shalit duwo minggu' lepas.
Sorakan gemuruh nyambut keputusan ina' yo kala' duwo-per-telu majoriti yo cukup untuk ngeluluskan keputusan ina', samo od endado negeri' ado kuasa' veto.
Napon kod BBC Online. Isnin, 31 Oktober 2011.
http://www.bbc.co.uk/news/world-middle-east-15518173
