Ini' "zombie": Turis 95-ta'un ngajutkan jiranni mupus kod keranda' 6 alu pali' ni nati.
Setulu turis tua' kod China' yo beumur 95 ta'un ngumu' kampungni tekencor pali' ni mupus kod keranda'ni enom alu pali' ni "nati".
Li Xiufeng keno sempon karau samo endo benapas ge katilni gama' jiranni duwo minggu' pali'ni nadai samo cedera' ge uku'ni ge daerah Guangxi, China'.
Pali'ni endo kala' nggangka' iyo, Chen Qingwang yakin dai ini' tua' ina' nati dalom angkolni, ge kampung Liulou.
Nini Qingwang, 60, iyo ngeros Li Xiufeng bilang alu untuk ngusung umba' sambutni. "Endo ni temuwod, genangka' ku dai."
“Macam ado endo lurus od anyamku', jadi kinyamonku napasni, endado napas, tapi betuluni endo sejuk."
Pasal Xiufeng tabu tenggalan, Qingwang ngan anakni terus dai ngumu' persiapan kan mbutol iyo, temuwok dai ngina' keranda' ge lamin kudo alu untuk kawan-kawan samo keluarga' mala' ni'an untuk nginju' penghormatan teraher ido.
"Mayat" Xiufeng nisok dalom keranda' 19 Februari, duwo alu pali'ni keno kelulu'.
Keranda' ina' endo tenukul ngan paku sebelum mbutol 24 Februari.Se'alu sebelum kan mbutol, Qingwang sabi' ge lamin jiranni na' tapi sempon keranda' kusung samo mayat ina' tayi.
"Ba'ut jami' ina! Terus dai jami' ngambat jiran lain kan ngunjar iyo," nini Qingwang.
Iyo munyi ge ido, "Buai angkolku ina'. Tiru' ji gangka', buyon benor anyamku', terus ji' kan masak.
"Buai od ji' nulak kob keranda' ina' kan mupus."
Sepitar Daerah ngelapur Xiufeng mengalami' pati pelsu: iyo endo benapas, tapi betuluni kakal lawu'.
Doktor munyi: "Jiya' gala' adat tempatan jami' ngina' keranda' ge lamin dalom kudo alu, mala'ni selamat.
Tapi walaupun iyo "mulun semula'", Xiufeng tinggol nado ngan barang pasal barang-barangni ketabi' mabi' penaro.
Napon kod Mirror Online. 4 Mac 2012.
http://www.mirror.co.uk/news/weird-news/zombie-gran-95-year-old-chinese-woman-746295
comments
0 Responses to "Ini' Nati Mulun Semula'"Post a Comment