Liam Neeson Mungkin Muwok Islam

BINTANG HOLLYWOOD Liam Neeson mungkin ngelepas ugama' Katolikni samo muwok Islam.

Pelakun beumur 59 ta'un na' munyi Azam "ngeresap dalom jiwa'ni" masa belakun ge Istanbul, Turkey.

Iyo munyi: "Azam limo waktu' se'alu, dalom minggu' pertama' na' kepusong od, tapi pali' ina' iyo ngeresap dalom jiwa'ju' samo iyo jadi sesuatu' yo paleng indah."

"Ado 4,000 masjid ge bandar ina'. Ado yo benor-benor mengagumkan samo iyo benor-benor ngumu' ju' bepiker kan jadi Muslim."

Liam keno asuh ge Ireland Utara' sebagai alim Katolik, samo ninju' ngadan paderi' tempatan siyo.

Tapi bintang ina', yo awoni Natasha Richardson 45 nati dalom kemalangan seruma' ski ta'un 2009, sayi' bebasa' pasal cabaran dalom kepercayaanni.

Nini: "Jayi' keno asuh sebagai Katolik tapi bilang alu kita' bepiker, secara' endo sadar, benuwi kita' ge planet itu? Nuwi sebenorni pasalni?

"Jayi' selalu' mbaca' buku' pasal Tuhan atau endado Tuhan samo ateisme."


Napon kod The Sun Online. Rabu', 25 Januari 2012.
http://www.thesun.co.uk/sol/homepage/news/4083596/Liam-Neeson-news-Liam-Neeson-is-thinking-about-becoming-a-Muslim.html