Pelawat Zoo Mabuk Muwok Kurungan Kuyad

Setulu layi mabuk ngelumpat muwok dalom kurungan kuyad ge zoo ge Brazil pasal "kan seruma' ngan ido".

Joao Leite Dos Santos, mekanik ge Sao Paulo, Brazil, ngakun iyo adu mumba' masani ngelawat Sorocaba Zoo alu Minggu'.

Sayi'ni siuk kali' seruma' ngan sekumpulan kuyad jenis "Spider monkey", tenakod ni ge pagar samo tengungui ni anak liyu di'ek sambil pelawat-pelawat zoo lain ni'an.

Joao Leite Dos Santos tengungui ngayi Spider Monkey pali'ni tengubai muwok dalom kurungan ido ge Sorocaba Zoo, Sao Paulo, Brazil

Dos Santos keno i'it gama' kudad ge lengon ngan bekiuni.

Pelawat lain ngerakam kejadian itu.

Sekumpulan kuyad ina' terus ngayi ge iyo ge biber anak liyu na', selong cuba' kan nggamot Dos Santos.

Sayi'ni ido na' ngambat iyo kali', Dos Santo ngayi dai od.

Tekinyam sait pali' ni'it, Dos Santos mamit terimbit ge talipinggang nulur gama' pelawat lain yo kan nyelamatkan iyo.

Gory aftermath: As zoo officials surround him, Mr Dos Santos bleeds heavily from a bite wound on his right wrist. He was later taken to hospital

Kuyad jenis Spider Monkey, yo ngan lengong ngan pu'oh buat, mala' jadi garang kalau anyam do dalom bahaya'

Selong kuyad na' terus ngi'it lengon Dos Santor, samo selong atin ngi'it bekiu ngan berianni.

Kuyad jenis itu andang terkenal karitkan kawasan ido, samo tiru' merati'kan Dos Santos kodni awal tiru' muwok ge kurungan ido na'.

Tiru'ni keteka' kuyad na' endo seruma'-seruma', samo tiru'ni tekinyam sait,Dos Santos terus cuba' kan duras kod kurungan ina'.

Tiru'ni kala' mupus, iyo telimpang ampai-ampai kudo minit, ngan ema'ni mikin suwak-suwak sementara' pekerja' zoo mikerkan nuwi kan mu'on.

Aherni Dos Santos nimbit li sepitar. Endoda' ketuwi' kalau iyo kan nimbit li mahkamah.

Napon kod Mail Online. Rabu', 16 November 2011.

Read more: http://www.dailymail.co.uk/news/article-2062721/Drunk-zoo-visitor-ends-hospital-climbing-monkey-enclosure-play.html#ixzz1e4gc45ep