Semi-final Rugby Piala' Dunia' 2011: Wales 8-9 Perancis

Wales (3) 8

• Try: Phillips
• Penalty: Hook

Perancis (6) 9

• Penalty: Parra 3

Tackle gama' Warburton ge Vincent Clerc ngubah cerita' ruma'


Nupi Piala' Dunia' Wales mabi' ngan cara' paleng ngancurkan ati' pali' ido kalah jalo' mato gala' gama' Perancis dalom perlawanan hebat ge Auckland.

Kad ma'ang yo kontroversial untuk skipper samo pemain utama' Sam Warburton ngurangkan pemain Wales jadi 14 betulu untuk 61 minit permainan samo macam jadi sebab Wales kalah ruma' semi-final ina' pali' Morgan Parra nandang telu penalti untuk Perancis.

Tapi Wales kakal od nginju' lawanan hebat dalom separuh masa keduwo, ngan Mike Phillips laju' perabang untuk iyo dai gala 'try' dalom perlawanan kenalom na' ngan 23 minit gala' tinggol atin, dalom usaha'ni kan ngala' mato atin.


Tapi Stephen Jones nandang bula' tekeno tiang dalom 'conversion' yo mungkin mala' nginju' ido kemenangan sekironi muwok, samo Leigh Halfpenny od getip atin kala' ngumu' 'penalty' tenggalan-galan ni dalom masa nazak tiru'.

Untuk Perancis, yo keno kalahkan duwo kali dalom peringkat saringan samo ujung-ujung nyawa' ulahni, kala' tindah muwok ge Final Piala' Dunia' ido ketelu dalom keadaan yo endo keno-keno ulahni.


Napon kod BBC Sports. Isnin, 17 Oktober 2011.
http://news.bbc.co.uk/sport2/hi/rugby_union/15307018.stm