Mayat Gaddafi Benutol Tiru'

Mayat pali' ketua' Libya Muammar Gaddafi, anak layini Mutassim ngan penulung kananni tiru' benutol ge antar rahsia' ge padang paser, pihak berkuasa' Libya munyi.


Majlis Peralihan Kebangsaan (National Transitional Council, NTC) mbada' BBC mayat ido keno kubur subuh tendi.



Itu pali' kudo alu tiru' pihak berkuasa' Libya' macam endo manja' nuwi kan mu'on ngan mayat-mayat ido na' keno butol ge balui bandar kelaheranni Sirte.

Pihak NTC umu' mbutol na' secara' rahsia' gala' tindah.

Pihak berkuasa' endo nginju' adu maklumat pasal upacara' ina'.

Nini ido iyo kenubur subuh alu itu (Selasa') disaksikan gama' ado keluarga'ni segetip samo pegawai rasmi'. Doa' ado keno baca' untuk iyo.

Menteri' Penerangan Mahmoud Shammam munyi NTC mayi fatwa dalom hal itu.

"Fatwa ina' munyi mayatni na' endo mala' butolon ge kubur Islam samo ge kawasan yo keno ketuwi' untuk ngelakkan jadi antar ayon urang," nini Shammam.

Ido nemban atin, tepaksa' od butolon tiru' pasal mayat ina' buruk tiru' sabi' "endo atin mala' tenan".





Napon kod BBC. Selasa', 25 Oktober 2011.

http://www.bbc.co.uk/news/world-africa-15441867