Keputusan A Level: Menteri' UK Puru' Kajian Dasar

Menteri' Universiti-Universiti United Kingdom munyi subjek-subjek moden macam Tarian ngan Media endo sepatutni tenerimo sebagai subjek akademik asas.

Komen menteri' ina' pali' dalom 250,00 penuntut A-Level kala' keputusan ido samo ido berabut kan kala' tampat ge kolej atau universiti, lebi-lebi atin sebelum yuran keno petuwod.


David Willets mbada' Daily Telergaph sistem mata (point system) yo nisu' dalom permohonan universiti "nginju' maksud endo jiya' ge urang muda' seolah-olah ketabi' A-level ina' samo nilai ido isu' muwok universiti."

UCAS, pusat pemerosesan permohonan universiti UK, nginju' mato bagi gred kala', endo kiro subjek nuwi.

Mr Willets munyi: "[UCAS] mesti' nginju' amaran pasal ado subjek A-level na' lebi penting kini kod yo lain na', masa itu perkara' ina' telindung gama' sistem mato."



Ado separuh universiti mentingkan subjek tradisional

Iyo munyi atin apprenticeship atau latihan dalom kerjo sepatutni keno terimo sebagai cara' kan muwok universiti od.

Ramai endo sanang ati' ge UK masa itu kalau penuntut endo kala' muwok universiti ta'un itu, pasal mulai' ta'un dapan 2012, yuran pengajian kan temuwod telu kali ganda'.

Napon kod Daily Telegraph. Khamis, 18 Ogos 2011.

http://news.sky.com/home/article/16052008