Tony Blair: "Jayi' Ngaji Quraan Tiap Alu"

Pali' Perdana Menteri' Tony Blair munyi ina' cara'ni kan "Celik ugama'".

Masa ni kakal Perdana Menteri' kulu iyo keno munyi payah kan bebasa' pasal ugama'. Sayi' ketua' Pegawai Perhubunganni, Alastair Campbell munyi: "Jami' endo seruma' Tuhan."

Tapi kod-kod ni mupus kod Downing Street ta'un 2007, Tony Blair mikin terbuka' bebasa' pasal kepentingan ugama'.

Mr Blair, yo muwok ugama' Katolik dalom kudo bulan pali'ni ngeletak jawatan, taman-taman itu bebasa' pasal iyo ngaji Quraan bilang alu. Munyini iyo mbaca' kitab suci' ina' gala'ni "celik ugama'".

Dalom interviu ngan majalah Observer kenalom, iyo munyi: "Dalom dunia globalisasi' itu, mesti' kita' celik ugama', sayi'ku'."

"Jayi' mbaca' Quraan bilang alu. Sebahagianni pasal ji' kan cuba' mahamkan nuwi yo berlaku ge kelileng dunia' itu, tapi yo utama'ni pasal Quraan na' benor-benor adu pengajaran."

Mr Blair yakin kefahaman pasal ugama' Islam mala' nginju' iyo sedikit-sebanyak maklumat dalom perananni sebagai duta khas untuk Timur-Tengah untuk kumpulan negeri' United Nations, United States, European Union ngan Russia.

Kerjo pali' PM British ina' betujuan kan nyelasaikan konflik Israel-Palestine.

Mr Blair sayi' kuluni muji Islam sebagai "indah" samo munyi Nabi Muhammad "sebuah kuasa' perdaban yo kuat".

Dalom ta'un 2006 iyo munyi atin Quraan ina' sebuah "kitab yo ngimbit perubahan, iyo untuk ketabi'. Iyo membesarkan sains samo ilmu, samo mengharamkan kepercayaan. Iyo praktikal samo jawu ge dapan dalom hal perkahwinan, turis samo kerajaan."


Tapi Mr Blair sayi' od nerimo padah kod pejuang jihad yo nerimo Quraan sebagai bererti beperang.


.

Napon kod Mail Online. Isnin, 13 Jun 2011.

Read more: http://www.dailymail.co.uk/news/article-2002883/Tony-Blair-reads-Koran-day-stay-faith-literate.html#ixzz1PB92VVdH