16 Nati dalom kejadian tana' sesor ge Malaysia

Gambar nilu kawasan kejadian yo nimbus separuh lamin anak yatim ge Hulu Langat endo jawu' Kuala Lumpur 21 May 2011. Tana' runtuh alu Sabtu' lema' tekeno lamin ina' yo ngan 30 penghuni', enom mayat tiru' sempon.-- FOTO: REUTERS

HULU LANGAT (Malaysia), SABTU' - Jumlah pati dalom kejadian tana' runtuh tekeno ujan nyepot yo ngelibatkan sebuah lamin anak yatim temuwod jadi 16 betulu, menurut lapuran pulis alu Ahad (alu itu), yo ngumumkan od operasi' ngunjar keno tamatkan dai.

Kejadian berlaku' pukul 2.30 seripot alu Sabtu ge Lamin anak yatim Hidayah Madrasah Al-Taqwa ge Hulu Langat, selatan kod Kuala Lumpur.

Pulis ge antar kejadian munyi 16 mayat sempon tiru' temuwok mayat penjaga beumur 34 ta'un. Yo lain yo nati od beumur dalom lingkungan mari sabi' 19 ta'un.

"Operasi' ngunjar samo nyelamat napu' tiru'. Jami' tiru' nyelasaikan misi' jami'," nini setulu pegawai pulis ge antar kejadian, yo endo nginju' ngadanni.

Setulu penduduk kampung Mohamad Azam, 38, munyi:

"Jayi manja' separuh anak layi siyo na'. Jiya'-jiya' ido na'. Ido sembahyang awal subuh bilang alu. " Ampulu' betulu kakal tenenan ge sepitar.

AFP