Layi Nahas Dalom Kemalangan Serio

SERIO, Khamis, 30 Mac -

Sebetulu layi tebunu' akibat terlibat dalom kemalangan alun-alun yo tejadi ge kawasan Jalan Persimpangan Empat jani' situ seripot tendi.

Kemalangan keno laporkan tejadi dalom pukul 5.00 seripot ge kawasan antara' perumahan Lorong Tiga Selatan yo merupakan kawasan yo adu mencatatkan kejadian kemalangan.

Sabi' masa' itu, Pegawai Siasatan Polis ndoda' mala' mengesahkan identiti mangsa.

Menurut saksi' yo ni'an, kemalangan ina' ngelibatkan telu buwa' metuka' temuwok SUV, sebuwa' van samo sebuwa' metuka jenis salon yo keno munyi belanggar dalom kejadian ina'.

Sebetulu turis yo pelakau metuka jenis van samo layi yo pelakau metuka SUV keno munyi selamat dalom kejadian ina'.

Bagaimanapun menurut saksi' atin, layi yo pelakau metuka jenis salon na' cedera'.

Jabatan Bomba' samo Penyelamat mbada' metuka jenis salon ina' tebalek dan pelakauni teperangkap ge dalom metuka'ni.

Anggota Bomba' samo Penyelamat tiru' ngumu' CPR dalom usaha ido kan nyelamat mangsa' ina', malangni pelakau metuka ina' ndo mala' selamaton dan menurut saksi' atin, mangsa' ina' setulu Cina' Mualaf.

Keramai 10 betulu anggota Bomba' samo penyelamat keno ambat antar kejadian untuk nginju' bantuan nyelamat.

Kejadian ina' ngumu' sesok ge kebuat alun-alun. Polis kakal nyiasat sebab kejadian ina'.

Napon kod Media Permata, Khamis, 31 Mac 2011.

http://www.mediapermata.com.bn/khamis/mar31t3.htm

Filzah Yusrina Yuskhamri (LY-1442)