Rakyat Islam Meser Mampan Kristian Coptic Kod Serangan

CAIRO, MESER

Masa sealu ta'un baru sebuah gereja' Coptic ge Meser keno serang mbunu' 21 betulu samo ncedera'kan 79 betulu lain. Miskipun penyerangni endoda' kelulu', dipercayai' serangan na' mu'on gama' pelampau Islam yo sedio nyerang nayi-nayi yo nanggap ido kaper.

Serangan ina' nyebabkan endo jiya' anyam antara' penganut Islam ngan Coptic sabi' ado pengamal kumpulan Kristian na' marah ge jalan-jalan, besegayi' ngan pulis, samo nyerang masjid sejani'. Perkara' itu mungkin andang umu' pelampau-pelampau ina', gala' ado perpecahan antara' berlainan ugama'.


Tapi masa lema' kan jainni alu Krismas Coptic (lema' Khamis) keadaan berubah samo sekali. Buat-buat penganut Kristian Coptic sembahyang ge dalom gereja' ido ge seluruh negeri', "beribu-ribu" penganut Islam, temuwok od duwo betulu anak Presiden Hosni Mubarak, mayi dalom upacara Coptic na' samokan jadi perisai gala' pelampau Islam endo nyerang atin. Penduduk Islam Meser betipun samo-samo ngisu' slogan "Kita' mulun besamo, atau kita' nati besamo", mayi pemikeran artis Meser, Mohamed El-Sawy.


Penganut Islam nilu ido bersatu' ngan masyarakat Coptic dengan menyertai acara khutbah ge gereja'-gereja' ge seluruh negeri' Meser sebagai mbantah keganasan atas ngadan Islam.


Seniman Muslim yo kayo Mohamed El-Sawy ngidar poster ngunyat masyarakat Islam untuk jadi "perisai manusia'". Mayi serta' dalom acara' ina' pelakon terkenal Adel Imam samo Yousra, pendakwah terkenal Amr Khaled, duwo betulu anak Presiden Hosni Mubarak.

“Itu ke'kah pasal jami' samo ido," nini Dalia Mustafa, penuntut yo sabi' ge Gereja' Virgin Mary ge Maraashly. "Kita' jalo' gala'. Itu serangan terhadap Meser ketabi, iyo dai jayi' midong besamo-samo Coptic pasal keitu gala' cara' kan ngubah negeri' itu."



Al Jazeera Inggeris ado ngumu' lapuran pasal serangan awal ina' samo acara' nilu kesatuan antara' Muslim samo Kristian ge Meser:



Selalu' tiru' keno munyi gama' masyarakat ge US pasal penganut Islam tu endo ngutuk samo ngelakkan keganasan.



Napon kod Think Progress, Sabtu', 8 Januari 2011.

http://thinkprogress.org/2011/01/08/thousands-muslims-human-shields/