Majikan Saudi Keno Penjara'

Kes dera' amah Indonesia Sumiati

Continue reading the main story

Cerita' berkaitan:

• Indonesian maid 'killed in Saudi'
• Indonesia condemns maid torture
• Saudis may stop Sri Lanka workers

MEDINA, ARAB SAUDI.

Sebuah mahkamah ge Kota Madinah ge Arab Saudi njatu'kan huuman penjara' telu ta'un pasal mendera' amah Indonesia'ni.

Sumiati Binti Salan Mustapa, 23, tenenan ge sepitar bulan November ngan tulang pati'-mati' samo metob ge jawui ngan betuluni.


Kes itu kala' perhatian dunia' sabi' Presiden Indonesia' pun nuntut keadilan atas siksa' Sumiati.

Tapi media tempatan munyi majikan turis tertudu' na' ngakun endo besala'.


Majikan ina' - yo endo ninju' ngadanni- neukum mayi titah raja' pasal penyeludupan manusia', munyi lapuran al-Watan.

Tapi Didi Wahyudi, kod Konsulat Indonesia ge Arab Saudi mbada' BBC negeri'ni kan mium ukuman lebi berat atin.

"Jami' kan mfail bantahan terhadap keputusan akim pasal iyo telampau ringan bebandeng dengan ukuman maksima' 15 ta'un kalau mayi undang-undang Saudi. Sumiati teruk tekeno siksa."

Peguam tetudu' iyo od munyi iyo kan ngerayu' terhadap ukuman ina', nelapur Saudi Gazette.

Sumiati keno munyi sabi' ge Arab Saudi bulan Julai ta'un lepas ngunjar kerjo.

Turis yo ngala' iyo kerejo sebagai amah keno tenan pali' keno teka' ngantam Sumiati sabi' pati'-mati' tulangni ni samo sema' ge dalom betuluni. Iyo keno teka' od ngina' terikah lawu' ge uku' Sumiati' samo mbujak iyo samo nggunteng bagian betuluni ngisu' gunteng.

Napon kod BBC News Online, Isnin, 10 Januari 2011.
http://www.bbc.co.uk/news/world-asia-pacific-12151454