Pengantin Baru "ngerancang Mbunu' Awoni"

.

Bano setulu turis yo benunu' masa bebulan madu' ge Aprika Selatan ngerancang mbunu' awoni, nini setulu layi yo keno teka' mbunu' turis ina' ge pendakwa'.

Anni Dewani, 28, kod Sweden, tenimbak pali' keno culik masa dalom teksi ngan banoni Shrien bulan lapas.

Mahkamah Lengkau Western Cape nyaid drebar teksi Zola Tongo munyi iyo keno inju' 15,000 rand (£1,400) gama' Dewani, 31, kod Bristol, untuk mbunu' awoni na'.

Keluarga' Dewani munyi tuduhan ina' "palui".

Tongo, 31, kod Bothasig, tiru' keno penjara' 18 ta'un pali' ni setuju' ngan tawaran ngan pendakwa'.

Iyo keno teka' mbunu', nculek, ngerumpak ngisu' kekerasan, samo ngehalang tindakan undang-undang.

Xolile Mnguni, 23, samo Mziwamadoda Qwabe, 25, keno teka' mbunu', ngerumpak, samo nculek.

Napon kod BBC News Online, Isnin, 7 Disember 2010.

http://www.bbc.co.uk/news/uk-england-bristol-11937170