Pali' Menteri' Mium Ampun Ge Sultan

Ge ujung sebutan kes yo belangsung kebuai telu alu kenalom, pali' menteri' kabinet, Pg Indera Wijaya Pg Dr Hj Ismail, 64, melalui' peguamni mium ampun kod Kebawah Duli Yang Maha Mulia Paduka Seri Sultan dan Yang Di-Pertuan Nabai, samo mium lepas kod penjara', sambil ngakun ketabi' sala' ni. Iyo pun ngakun iyo nyesol ketabi' sala mu'onni kulu.

Keluarga' Pg Dr Ismail yo ni'an kes ina' ge mahkamah kenalom tekinyam od ingau samo sedih keadaan kenalom na' sabi' ado od yo temangis.

Selama' itu keluarga' ina' endo keno puru nyempon atau jani'-jani' ngan pali' menteri' ina', ngelambai gala' kod jawu' masa mahkamah berihat.

Pg Dr Ismail keno sabit besala' nginju' kontrak $300 juta' ge TED Sdn Bhd, sambil nerimo sin sabi' $11 juta' kod pengurusni, Wong Tim Kai.


Akim Lugar-Mawson nginju' ukuman penjara' 7 ta'un ge pali' menteri' na' yo mula'i serta'-merta'.




Napon kod Ignatius Stephen, Borneo Bulletin Online, Khamis, 2 Disember 2010, 10.23pm
http://www.borneobulletin.com.bn/thu/dec2h6.htm