Israel Peberanti' Pembangunan Kalau Keno Akun Sebagai Negeri' Yahudi'

Netanyahu berundeng ngan Palestin semula' bulan September



Perdana Menteri Israel Benjamai Netanyahu ngumu' tawaran kan peberanti' separuh daripada pembangunan ge penempatan Israel kalau Palestin umu ngakun Israel sebagai "Negara Yahudi".

Jurucakap Palestin nulak sarat ina'.

Israel dalom tekanan kod masyarakat antarabangsa' untuk mberanti'kan pembangunan lamin ge Tebing Barat.

Perbincangan damai selama itu kan endo jadi pasal isu itu.

Pihak Palestin munyi ido kan beranti' bebincang kalau pembangunan ge Tebing Barat, endo temuwok Jerusalem Timur, endo keno pebaru.

Pembekuan 10-bulan na' mabi' ujung September.


Setepi' Palestin kulu tiru' munyi kalau ido ngakun Israel sebagai sebuwa negeri' Yahudi', ina' kan mbahaya'kan hak 20% rakyat Israel yo ke'kah Yahudi', samo mbatalkan terus hak pelarian Palestin kan muli' semula' li Israel.


Israel menjajahi' kawasan Tebing Barat, temuwok Jerusalem Timur, kod ta'un 1967, dengan ngina' 500,000 betulu Yahudi' ge lebi 100 penempatan.

Ado dalom 2.5 juta rakyat Palestin tabu ge Tebing Barat, yo penting bagi ido untuk masa depan Palestin sebagai sebuwa negeri' merdeka'.

Penampatan Yahudi' ge duwo-duwo antar na' adolah endo sah dalom undang-undang antarabangsa, tapi Israel endo setuju'.

Napon kod BBC News Online, Selasa, 12 Oktober 2010, 1.23am

http://www.bbc.co.uk/news/world-middle-east-11517990