Susan Boyle Muwok Guinness Book of Records

LONDON-

Ngadan penyanyi' Susan Boyle nisok telu kali dalom buku baru Guinness World Records.

Album sulungni "I Dreamed A Dream" jadi album paleng laku gama artis turis ge UK, samo album paleng laku dalom minggu pertama' ni bagi sebagai album sulung.

Susan Boyle, yo njadi terkenal seluruh dunia' pali' ni mayi belawan dalom sebuwa rancangan tv, iyo od njadi urang tertua' sayi' kala' numbur satu' dengan album sulung.

Penyanyi' na beumur 48 ta'un masa album ni kala' kedudukan tengod sekali' terus mesa' rekod Jane McDonald (umur 35 ta'un) dalom ta'un 1998.

Boyle munyi iyo tekinyam "terhormat" kala' muwok dalom Guinness World Records.

Nini, "Jayi' kan belagu samo ngumu' persembahan gala'. Itu hebat benor."

Album sulung ni peneli 411,820 buwa' dalom minggu pertama' ni ge UK- 50,000 lebi kod pengimbit rekod sebelum itu, Arctic Monkeys.

Napon kod BBC News Online, Selasa, 21 September 2010, 00.21am

http://www.bbc.co.uk/news/uk-scotland-edinburgh-east-fife-11356503