Tetudu' temuwok pengacara' tv, Carlos Cruz
PORTUGAL, JUMAAT.
Enom layi Portugis keno penjara' pali' keno sabit besala' dalom kes penderaan seks ge sebuah taman asuhan anak di'ek kerajaan.
Tetudu' lain, temuwok pengaraca TV Carlos Cruz kneo penjara antara limo li tuju' ta'un.
Anak-anak layi na', masa itu beumur 16 sabi' 22 ta'un, ketabi tabu ge taman asuhan anak di'ek Casa Pia ge Lisbon kulu ni.
Panel telu betulu hakim na' kan sealu-alu mbaca' penghakiman untuk bilang jalo' kes penderaan seks ina'.
Pali' tuduhan na' kan ketabi' tiru' benukti', ido njatu'kan keputusan besala' ge enum betulu kod tuju' betulu yo benicara' na'.
Silvino, 54, pali' drebar ge Casa Pia yo ndera' anak di'ek beratus-ratus kali samo kan 'peneli' ni atin ge layi lain, keno sabit sala' dalom ketabi' tuduhan.
Cruz samo Joao Ferreira Diniz, yo doktor kerjo ni, maseng-maseng ninju' tuju' ta'un penjara', sementara' pali' duta' Jorge Ritto kala' enom ta'un mari bulan.
"Ido tu keno kutuk, ido ngumu' kesalahan kejam terhadap kemanusiaan."
Pedro Namora, Pali penuntut ge Casa Pia samo sala' setulu mangsa'.
Hugo Marcal, peguam, keno penjara' enom ta'un duwo bulan, samo pali' pentadber Casa Pia, Manuel Abrantes, ninju' limo ta'un pi'on bulan.
Ke'enom-enom tertudu' menafikan dakwaan samo munyi idup ido binasa gama' tuduhan itu.
"Itu satu' kesilapan kehakiman dalom sejarah Portugal tu!' nini Cruz, sambil munyi keputusan itu bedasarkan "tipuan samo pengolahan" dan "balasan dendam" terhadap iyo.
Sala' setulu daripada mangsa' na' muji penghakiman ina'.
"Jiya' anyam ni nyaid ngadan jami' keno munyi bukti sah, samo ado urang pecaya' ge jami', terutama' dai hakim," bada' ni ge RTP Internacional TV.
"Urang ramai munyi jami' bari'-bari' gala', jadi ni itu jiya' untuk jami' kala' aher ni mbukti'kan jami' endo' nipu."
Napon kod BBC News Online, Jumaat, 3 September 2010, 11.03pm
comments
0 Responses to "6 Keno Penjara' Penderaan Seks Anak Di'ek"Post a Comment