Kumpulan Penawu Giant Genamot

Ge Mahkamah Majistret Bandar Seri Begawan kenalom pi'on betulu ngakun besala' nawu kod majikan ido, Giant Superstore, Rimba, samo duwo betulu ngakun nawu kod kadai ina'.


Timbalan Pendakwaraya Siti Norjauinah ngimbit tuju' betulu atas tuduhan nawu kod majikan ido: Amal Hamizah Hj Abdul Hamid, Nurrafidah Abdullah, Tengku Nurul Fazillah Tengku Hj Ismail, Nurul Hidayat Manan, Jawiyah Awang Ahmad, samo merawo Muhammad Jufferi Sulaiman ngan Zurayatty Zulkifli.

Telu betulu tertudu' nimbit li mahkamah gama' DPP Ak Shahyzul atas tuduhan nawu kod majikan ido: Norhannah Hj Morni, Norzaita Hj Talib samo Majjedah Hafizah Awang Lamit.

Dalom pada ina', setulu Pegawai Keselamatan KOPRI ge Giant Norhadina Halus, samo setulu Juruwang yo taman beranti' taman endo buai itu keno teka' nawu dan tiru' ngakun sala'.

Majistret Zelda Skinner benada' cara ido nawu dengan nyekan troli penyurung atau beg penu'-penu', tiru' ina' nimbit ido li kaunter pembayaran antar tiru' jenanji dengan kawan ido yo kerjo siyo na'.

Mahkamah nyaid juruwang na' kan peruwok (scan) rego segetip gala' barang na' atau rego barang lain yo lebi murah, gala ido mbarai getip gala'.

Pihak pendakwa' munyi ketabi kesalahan ido na' teni'an pulis tiru kod rakaman CCTV ge Giant Superstore, Rimba, yo nilu tingkahlaku mencurigakan, nakun od gama' tertudu' ketabi.

Ukuman kan ninju' dalom 25 atau 26 Ogos itu.

Napon kod Ilham Rizal, Sunday Online, Ahad, 22 Ogos 2010, 10.45pm

http://www.borneobulletin.com.bn/sunday/news/aug22h2.htm