Setulu asker turis Israel ngumu' urang marah pali' ni ngina' gambar ni tekidum-kidum setepi tahan Palestin ge album Facebook ni betajuk "Masa (terhebat) dalom idupku".
Kawan Aberjil ngumu' komen: 'Jiyu' seksi macam ina''
Aberjil ma'ud: 'Ado kali Facebook ni ah? Mesti' ji' tag iyo dalom gambar itu!'
Dalom gambar jalo' atin gitan Aberjil senyum ge kamera' dengan telu betulu layi Palestin yo nigot lengon do samo kenepan mato do.
Komen-komen antara Aberjil samo kawan-kawan ni ketabi nyeluru' tahanan na'.
Gambar-gambar itu samo cerita' ni dengan gambar napon askar Amerika ge Penjara Abu Ghraib ge Iraq ta'un 2003.
Dalom gambar ina kulu, tahanan Iraq na' tenelanjang, keno hina' samo ba'ut. Dalom kes ina' askar-askar terlibat na' muwok penjara' pali gambar na' mupus ge umum.
Gambar-gambar terbaru itu endo tinda nilu penderaan terhadap tahanan.
Tapi tiru' ni nina' ge Facebook na', iyo keno kutuk gama' askar Israel samo masyarakat dunia'.
'Gambar-gambar itu ke'ason!' nini Capt. Barak Raz, jurucakap tentera Israel.
'Selain daripada masa'alah keselamatan maklumat, itu kes penyalahagunaan kod moral samo etika jami'. Kalau pegawai itu kakal kerjo masa itu, sangka'ku iyo keno court-marshal terus tu!'
bada ni ge Associated Press Television News.
Tapi Aberjil sendiri murung pasal kontroversi itu.
'Kakal ji' endo ngerati' nuwi sala' ni,' pali' askar ina' munyi masa interviu ngan Radio Tentera' Israel alu itu.
Nini gambar-gambar ina', yo tiru' nikai ni kod Facebook, endo betujuan kan ngumu' kenyataan politikal atau menghina' Palestin.
'Iyo nilu pengalaman ketenteraan gla,' nini.Abergil beranti' tiru' servis tentera ni duwo ta'un lepas.
Nini gambar na' napon ta'un 2008 ge pangkalan ni antar ido nenan urang Palestin yo genamot masa cuba kan metas sempadan Gaza.
comments
0 Responses to "Askar Turis Israel Ngina' Gambar Tahanan Palestin ge Facebook"Post a Comment