Ampulu' betulu keno tudu' merisik untuk Rusia ngakun besala' ge Mahkamah New York atas tuduhan ngerisik untuk negeri' lain.
Pelapur munyi pengakuan besala' itu mala' jadi jalan untuk betukar tahanan macam mu'on masa Perang Dingin kulu.Yama' tertudu' Anna Chapman tiru' munyi iyo kan temulud li Rusia alu Jumaat (alu itu).
Pihak berkuasa US atau Rusia endoda' ado ngesahkan lapuran ina' tinda.
Keampulu'-ampulu' ido ngakun besala' atas tuduhan "besubahat dalom njadi ejen (perisik) endo bedaptar negeri' lain."
Endoda' jelas macamana pengakuan ido dalom kes ali-ali "ngidar sin".
Taman dai sayi' tu ketabi' ampulu' betulu kegitan samo-samo ge khalayak ramai kod-kod ido genamot minggu' lapas.
Ado berito ge Rusia munyi kemungkinan ado pertukaran tahanan, pali' keluarga' setulu tahanan mbada' ge BBC iyo tepaksa ngakun sala' od gala temuwok dalom rancangan pertukaran ina'.
Igor Sutyagin tiru penindah kod penjara' ge Arktik li penjara Moscow. Pali' ni penindah minggu' itu, iyo mbada keluarga' ni iyo kan petulud li Vienna alu Khamis samo kan nelepas sebagai sebagian daripada persetujuan antara kerajaan US samo Rusia.
Napon kod BBC News Online, 9 Julai 2010, Jumaat, 4.12 am
comments
0 Responses to "Spy Rusia Ngakun Sala' ge US"Post a Comment