Orlando Bloom 'suka' Kala' Ijazah Kehormat

Pelakun Hollywood Orlando Bloom munyi iyo "suka" ninju' Ijazah Kehormat kod University of Kent.

Orlando Bloom samo tunang Miranda Kerr sebelum ninju' Ijazah Kehormat kod University of Kent ge Canterbury Cathedral Photo: PA

KENT, UNITED KINGDOM

Bintang pilim The Pirates Of The Caribbean ngisu' gaun rona' ma'ang samo tupi' tuwo' sambil ni kundu' samo-samo 340 penuntut lain ge acara nerimo ijazah ge Canterbury Cathedral ge bandar kelaheran ni.

Saudara' ni ado od sabi' temuwok tunang ni Miranda Kerr, yama' ni Sonia Copeland Bloom, yapa' ni Colin Stone samo kenayi turis ni Samantha Bloom.

Sebelum acara' na', Orlando Bloom munyi: "Barang itu penting ge jayi'. Alu itu alu nggembirakan. Jayi benor-benor keno muliakan balek ge bandarku sendiri. Ji adu kenangan pasal gereja itu samo Canterbury.

''Ji tabu ge jani' universiti itu jadi iyo macam antarku seruma'. Itu satu penghormatan raya', dan jayi' suka anyam ni, yama'ku iyo od. Yama'ku tinda lebi mayek."

Bloom munyi iyo endo sampat acara nerimo ijazah pali' ni napu' degree ni kulu ge Guildhall School of Music and Drama, London pasal iyo sibuk belakun Lord of the Rings.

Pelakun beumur 33 ta'un na mulai kala' perhatian penuntun dam pengumu' pilim dalom Peter Jackson kuan pilim yo kala' macam-macam anugerah, Lord Of The Rings.

Pali' ina iyo belakun jadi tukang besi Will Turner dalom pilim Pirates Of The Caribbean, dan terus ngumu iyo' pelakun layi utama' ge Hollywood.

Napon kod Daily Telegraph Online, Rabu, 14 Julai 2010, 00.34am
http://www.telegraph.co.uk/news/newstopics/celebritynews/7887295/Orlando-Bloom-chuffed-at-honorary-degree.html