Kaldai Temulud ge Rusia'

Sebuah syarikat pengiklanan ngajutkan urang becuti ge pantai dengan Kaldai temulud.

Urang ramai yo berihat-rihat ge pantai ge Rusi beliang ati' tiru' kegitan selong kaldai nigot ge payung temulud raya' samo terus petulud do sebagai cara ido ngiklan.


Kaldai ina' arek-arek ba'ut tenulud tengod kampung Golubitskaya buat anak-anak di'ek mantan rubau-rubau od ba'ut.

Iklan nu'on ido na' betujuan kan narek perhatian urang ramai mayi seruma' payung terjun (parasailing) ge kelab eksklusif ge pantai ina', tapi' keno soal-siasat gama' pulis tinda atas tuduhan menyiksa haiwan.

Kaldai na' aher ni necurit semula' ge pantai na' tapi' dalom keadaan endo jiya' pali' tenarek dalom empa' ge Resort Sea of Asov.

Urang ramai terus ngerabat kaldai yo ba'ut na' terus nyelamat iyo kod napos.


"Kaldai na' arek-arek, samo anak di'ek tenangis ketabi," nini Larisa Tuchkova, jurucakap pulis mbada AFP. ‘Tapi endado urang ngan utok kan ngambat pulis!"

Kaldai na' kenyaid arek-arek daunni buatni temulud tengod empa'.

Tuchovka munyi, ke'kah ngambat pulis, ngala' kamera' dan nelipun suratabar Cossack dai ido tindah.

Menurut suratabar na', ngadan kaldai ina' "Taman", daras lengkau tulud ni, ali' anak-anak ketabi' tenangis.

Antar Kejadian: Golubitskaya, kampung ge Cossack ge laut Asov.

Nini atin, "Taman dai sayi' berlaku kejadian kitu tu!"

Rakaman video kejadian alu Khamis na' seneruma' ge TV Rusia.

Pulis kan ngumu' penyiasatan tentang kejadian itu, dan kalau Syarikat Pengiklanan na' sabit sala', ido mala' keno ukum pasal nyiksa binatang. Ukuman ni duwo ta'un dalom penjara'.

Ti'an video ni:

Napon kod Daily Mail Online, Rabu, 20 Julai 2010, 10.30pm

http://www.dailymail.co.uk/news/worldnews/article-1296210/Flying-donkey-shocks-Russian-beachgoers-parasailing-firms-sick-stunt.html#ixzz0uELrY1A5