Benigno Aquino Presiden Baru Pilipin

Anak Ketua Pembangkang yo benunu' kulu ngangkat sumpo jadi Presiden ke-15 Pilipin.

Benigno "Noynoy" Aquino III menang raya' dalom pilihanraya' bulan Mei lapas dengan janji ni kan mberanti'kan rasuah.

Iyo bejanji od kan mberantikan perpecahan, dan iyo kan pejiya' sistem pengadilan.

Presiden sebelum iyo, Gloria Arroyo, tiru munyi iyo endo ba'ut keno siasat dalom kes keno teka' rasuah.

Yapa' Aquino, senator parti pembangkang masa era pemerintahan darurat Markos, benunu' masa ni muli' kod buangan li Pilipin ta'un 1983.

Yama' ni, Cory Aquino, njadi presiden pali' rakyat mberuntak ta'un 1986 dalom kejadian genelar 'People power' (Kuasa rakyat).

Pati Cory Aquino pasal kanser ta'un lepas nimbulkan populariti untuk Nonoy.


Napon kod BBC News Online, Khamis, 30 Jun 2010, 2.o1pm
http://news.bbc.co.uk/2/hi/world/asia_pacific/10457448.stm