Khunsa Penenjara Nikah ngan Turis

JAKARTA 4 Mei - Setulu khunsa beumur 32 ta'un tenenan ge Penjara Pondok Bambu, Jakarta Timur, pasal keno tudu malsukan identiti ni gala ni mala kawin dengan turis.

Alterina Hofan atau Alter masa itu keno tenan ge penjara lepas yama-yapa awo ni Jane Deviyanti, 23, ngumu lapuran pulis ge Ibu Pejabat Polis Metro Jaya ge situ.

Sementara ina Jane yo senempon wartawan lepas ngelawat bano ni ge penjara khusus untuk tahanan turis na munyi iyo kecewa pasal bano ni keno tenan.

"Kumbo mesti tenenan banoku ge penjara padahal ketabi dokumen macam paspot dan kad pengenalan tiru nerampas puli, endo od mala duras anti na.

"Kebuai tempoh penyiasatan pulis ina od banoku cukup bekerjosama, jadi ji mendesak supaya banoku nelepas dengan jaminan," nini Jane yo nireng peguam ni. Jane yo endo mala nyaid samo babau na tepaksa ngisu penterjemah masa keno interviu.

Sementara ina Alter yo keno temubual gama Detik.com buat ni dalom penjara munyi iyo setulu layi sejati dan iyo ngakun ado sebutu yang befungsi dengan jiya.

"Masa ji laher ji endo ngerati kumbo ji nado sebutu, masa umurku limo ta'un baru dai ni tumbuh," nini.

Menurut Alter, kemaluan ni na od befungsi dengan jiya dan mala perupus sperma.

"Kalau endo pecaya mala tetong ge awoku," nini atin.

Alter tenenan pulis lepas yam-yapa Jane ngumu lapurang pulis pasal Alter malsukan identiti jantina ni untuk kawin dengan Jane dan iyo keno tenan ge penjara kod 30 April lepas.

Menurut Alter, kod di'ek tiru jiwa ni andang layi, tapi yama ni malar perisu baju turis pasal tiru nelapur ni Alter sebagai turis.

"Yama tiru ngehukum jayi sebagai turis pasal mason ni keno munyi jiran yang jayi ado beputung nukar jantina jadi layi," nini.

Balek-balek ni empuru yama ni nukar identiti ni jadi layi ge kad pengenalan ni tapi yama endo od umu.

Aher ni ta'un 2004, nini Alter, iyo beputung ngikai iti ni dan yama ni setuju ni dai nukar identiti jantina ni ge Pejabat Pendaftaran Jayapura, Papua. - Utusan

Napon kod Utusan Malaysia Online, Khamis, 6 Mei 2010, 01.08 am

http://utusan.com.my/utusan/info.asp?y=2010&dt=0505&pub=Utusan_Malaysia&sec=Luar_Negara&pg=lu_05.htm