Ferdinand Marcos Mulun Atin

MANILA - Ngadan Ferdinand Marcos kebuai itu njadi racun ge Pilipin, tapi Ferdinand Marcos Junior, anak pali' presiden ina', masa itu bebasa pasal kan jadi presiden lepas pilihanraya taman-taman itu nilu iyo sebagai sala'setulu daripada ahli politik yo paleng keno rimo ge negeri ina.

Anak diktator ina munyi keluarga ni nado duso ge rakyat Pilipin kebuai 20 ta'un yapa' ni merintah negeri ina sabi 1986, masa iyo keno kalahkan gama gerakan 'People power' (Kuasa rakyat) sabi ni duras dan tabu dalom pembuangan.

'Yapa'ku endo merlukan jayi' untuk mbersikan ngadan ni,' bada Marcos Jr ge AFP alu Rabu dalom interviu pertama ni kod-kod pilihanraya minggu lapas, yo nilu iyo kala' 13 juta undian samo kerusi ge Senat.

'Nuwi yo mbersihkan ngadan yapa'ku iyolah ahli akademik samo pakar sejarah yo gelo na' kan ni'an ge pemerintahan ni macamana sebenor ni.' Urang ramai pecaya zaman pemerintahan Marcos Senior penu' dengan pencabulan hak-hak asasi rakyat, sin berbillion dolar nabi' napon kod kerajaan, samo kemusnahan sistem demokrasi ge negeri ina.

Tapi Marcos Jr munyi yapa'ni yo nati 1989 masa dalom pembuangan ge US, dan masa itu mayat ni nina' ge lamin keluarga ido ge Utara Pilipin, nado ngumu nuwi-nuwi jenayah raya, samo iyo presiden yo paleng jiya antara ketabi presiden Pilipin.

'Kalau kan mbandengkan iyo dengan ido presiden selepas iyo na, Marcos Senior dai yo palen jiya',' nini anak ni yo beumur 53 ta'un na.

Iyo menafikan yang yapa'ni mbuyuk gala menang pilihanraya 1986, peristiwa raya dalom sejarah Pilipin yo nyebabkan pemberontakan rakyat keno ketuai gama pemimpin demokrasi Corazon Aquino. -- AFP


Napon kod The Straits Times Online, Jumaat, 21 Mei 2010, 00.17 am
http://www.straitstimes.com/BreakingNews/SEAsia/Story/STIStory_529034.html