Israel Negur Pegawai Lengkau Pasal White Phosphorus

Israel ngelapur ido negur duo pegawai lengkau askar nih pasal ngisu bom white phosphorus dalom serangan ke atas kawasan UN ge Gaza ta'un lepas.

Pengakuan ituh tekandung dalom laporan balasan Israel terhadap Laporan Goldstone, yang munyih keduo-duo Israel samo Hamas besala melakukan jenayah peperangan.

Keduo-duo pegawai ina tendi dilapurkan kakal ngina pangkat ido.

Sabi itu, tentera Israel kakal menafikan ido ngelanggar kod tindakan (rules of engagement) dalom ngisu bahan bahaya white phosphorus.

Masa konflik 22 alu ta'un lepas, gambar media adu nilu kulit bom marak metob enjatu nuju kawasan UN.

Media Israel mengenalpasti pegawai yang terlibat na sebagai Gaza Division Commander Brig Gen Eyal Eisenberg dan Givati Brigade Commander Col Ilan Malka.

Ido keno tudu "melampaui bidangkuasa masing-masing" dalom tindakan ido mengarahkan anak buah ido ngisu bahan terlarang na masa serangan 15 Januari 2009.

Setulu pegawai tentera Israel munyi teguran itu kan cataton dalom rekod ido, dan kan keno kiro kalau ido muhun temuod pangkat gelo na.

Jurucakap Hamas munyi tindakan disiplin ina bukti "pengakuan besala Israel" tentang tuduhan jenayah peperangan. Tapi ninih, nado atin tindakan lain kan keno apon terhadap pegawai beduo na.

Wakil UN mbada ge BBC iyo "mengharap tanggunjawab sepenu ni kod pihak Israel."


Napon kod BBC News Online, Isnin, 1 February 2010, 8.34 pm.

http://news.bbc.co.uk/2/hi/middle_east/8490646.stm